पुणे, दि.१९ ऑगस्ट: इंडस्ट्री अॅकॅडमीया सहयोग समिती व एमआयटी वर्ल्ड पीस युनिव्हर्सिटीतर्फे “इंडकॉन” या एक दिवसीय परिषदेचे आयोजन उद्योगनगरी व शिक्षणाचे माहेरघर असणार्या पुणे येथे करत आहे. परिषदेचे उद्घाटन शुक्रवार, दि.२३ ऑगस्ट २०१९ रोजी सकाळी १० वा. केंद्रीय अवजड उद्योग व सार्वजनिक मंत्री माननीय अरविंद सावंत यांच्या हस्ते करण्यात येईल. अशी माहिती एमआयटी वर्ल्ड पीस युनिव्हर्सिटीचे कुलगुरू प्रा.डॉ. एस.परशूरामन यांनी आयोजित पत्रकार परिषदेत दिली.
विमाननगर येथील हॉटेल हयात रिजन्सी येथे आयोजित कार्यक्रमात महाराष्ट्र राज्याचे उद्योग मंत्री माननीय सुभाष देसाई, न्युट्रॉन इलेक्ट्रॉनिक सिस्टम्स प्रा.लि.चे अध्यक्ष श्री.नानिक रूपानी, एमआयटी वर्ल्ड पीस युनिव्हर्सिटीचे संस्थापक अध्यक्ष प्रा. डॉ. विश्वनाथ कराड आणि कार्याध्यक्ष राहुल विश्वनाथ कराड हे उपस्थित राहतील.
उद्योग क्षेत्राला तसेच मानवी जीवनाला अंतर्बाह्य बदलून टाकणारी तंत्रज्ञाने आणि आविष्कारांनी आज काही आव्हाने आपल्यासमोर उभी केली आहेत. या आव्हानांना सामोरे जाताना उद्योग व शिक्षण क्षेत्राने पुढील दिशा कशी ठरवावी यावर चर्चा घडवून आणण्यासाठी ही परिषद एमआयटी वर्ल्ड पीस युनिव्हर्सिटीच्या इंडस्ट्री अॅकॅडमीया सहयोग समितीने आयोजित केली आहे. अशी माहिती विद्यापीठाचे प्र कुलगुरू प्रा.डॉ. आर.एम. चिटणीस यांनी दिली.
दिवसभर चालणार्या या परिषदेत जागतिक उद्योगसमूहांचे प्रमुख, संशोधक व शासकीय अधिकारी “इंडस्ट्री ४.०”, “आर्टीफिशीयल इंटालिजन्स” आणि “स्मार्ट सिटी मिशन” या ज्वलंत विषयावर आपले विचार मांडतील व मार्गदर्शन करतील.
या चर्चासत्रात “इंडस्ट्री ४.०” सेशनचे चेअर ब्लू स्टारचे अध्यक्ष शैलेश हरीभक्ती, “आर्टीफिशीयल इंटालिजन्स” सेशनचे चेअर थॉटस्पॉटचे उपाध्यक्ष सुनील महाले आणि “स्मार्ट सिटी मिशन” सेशनचे चेअर अलाईड डिजीटल समुहाचे चेअरमन नितीन शाह यांचा महत्वपूर्ण सहभाग असेल. तसेच, जागतिक दर्जाच्या कंपन्यांचे १०० पेक्षा अधिक प्रमुख, मुंबई येथील चीनचे वाणिज्य दूत तांग गुओकाई, जर्मनीचे संशोधक डॉ. कार्स्टन, थर्मेक्सचे ईपीसी प्रमुख कीर्तिराज झीलकर, वालचंद चे एमडी आणि मुख्य कार्यकारी अधिकारी जी.के. पिलै, टाटा टेक्नॉलॉजीजचे अध्यक्ष आनंद भाडे, टाटा प्रोजेक्टस लिमिटेडचे व्यवस्थापकीय संचालक विनायक देशपांडे, महाराष्ट्रातील रिलायन्स जिओचे मुख्य कार्यकारी अधिकारी उमेश दुर्वे, बिग डेटा डीडब्ल्यूचे संजय पटवर्धन, बार्कलेज टेक इंडियाचे क्यएचे प्रमुख आणि देवऑप्स चे संचालक रश्मी जहागीरदार, एस बँकेचे कृत्रिम बुध्दिमत्ताचे प्रमुख उत्पाल चक्रवर्ती, डॉ. कार्स्टेन वेंडलँड, कॉग्रिझींटचे वरिष्ठ संचालक कौस्तुभ लातूरकर, अलाईड डिजिटलचे सीएमडी नितीन शहा, इन्फोसिसचे एसव्हीपी मुंजय सिंह, आयबीएमच्या ग्लोबल कॅपेबिलिटी सेंटर्स बिझजेस युनिटचे मॅनेजिंग पार्टनर व व्हीपी संतोष कुलकर्णी व डिजिटल ट्रान्सफॉर्मोशन बिर्लासॉफ्टचे उपाध्यक्ष आणि ग्लोबल डिलिव्हरी हेड गणेशन करूप्पनाइकर व इतर मान्यवर उपस्थित राहतील. अशी माहिती परिषदेचे कार्यवाहक प्रा.डॉ. प्रसाद खांडेकर यांनी दिली.
परिषदे दरम्यान संशोधन क्षेत्रात उल्लेखनीय काम करणारे विद्यार्थी आणि शिक्षकांचा सुध्दा सत्कार करण्यात येईल. तसेच, एमआयटी वर्ल्ड पीस युनिव्हर्सिटी आणि नामवंत कंपन्या यांच्यात सामजस्य करार होतील, अशीही माहिती डॉ. खांडेकर यांनी दिली.
यावेळी विद्यापीठाचे प्र कुलगुरू डॉ. श्रीहरी होनवाड, प्र कुलगुरू डॉ.आर.एम.चिटणीस, प्र कुलगुरू प्रा.डी.पी. आपटे, एमआयटीचे प्राचार्य डॉ.एल.के.क्षीरसागर, युनिव्हर्सल बिझनेस अॅण्ड कॉर्पोरेट सर्व्हीस सेंटरचे मुख्य कार्यकारी अधिकारी सौरभ शहा आणि स्टारकिंग स्पोर्टस् प्रा.लि.चे एमडी आणि सीईओ प्रविण पाटील हे उपस्थित होते.