पुणे- कॉंग्रेस भवनाच्यामागे एकाच्या खुनाचा प्रयत्न करून कोयते अन तलवारी नाचवून दहशत निर्माण करणाऱ्या चारही हडपसरवासीय असलेल्या आरोपींना २४ तासाच्या आत पोलिसांनी पकडले असून त्यातील ए क विधीसंघार्षित बालक असल्याचे तपास अधिकारी फौजदार एस.व्ही तरडे यांनी सांगितले
ते म्हणाले,’काल दीपक काकाराम शर्मा (रा. मगर पट्टा ,हडपसर ) यास याप्रकरणी अटक केली होती आज आणखी तिघांना पकडले आहे. अनिकेत उर्फ दाद्या लक्ष्मण बगाडे (वय २२, रा. एस आर ए बिल्डींग ,शिंदे वस्ती हडपसर ),तुषार कैलास काकडे (वय १९ रा. सदर ) आणि एक विधीसंघार्षित बालक यांचा त्यात समावेश आहे.
त्यांच्या प्रकरणात सतीश काळे (वय ४१ रा. जुना तोफखाना ,शिवाजीनगर) यांनी पोलिसात फिर्याद नोंदविली आहे.फिर्यादीचे घर कॉंग्रेस भवनाच्या बाजूला असून काल रात्री ते घरासमोर झोपले असतना आज ००.४५ वाजता हा प्रकार घडला .पूर्वीच्या भांडणाचा राग धरून शर्मा आपल्या ३ साथीदारासह तिथे आला आणि फिर्यादी यांच्या डोक्यावर डाव्या हाताच्या दंडावर वार केले .आणि जीवे ठार मारण्याचा प्रयत्न केला.फिर्यादी यांची पत्नी आणि मुलगी पुढे आली तेव्हा त्यांनाही ठार मारण्याची धमकी दिली .आणि हवेत चौघांनी कोयते ,तलवारी नाचवून आरडाओरडा करत या परिसरात दहशत निर्माण करण्याचा प्रयत्न केला