पुणे- खडकवासला धरणात 1.53 टीएमसी 78 टक्के पाणीसाठा जमा झाला आहे. कालव्यातून 302 क्यूसेक पाणी सोडले आहे. पाऊस वाढल्यावर तो एक हजार क्यूसेक पर्यत वाढविन्यात येऊ शकतो. पानशेत धरणात 6.17 टीएमसी म्हणजे 57.92 टक्के तर वरसगाव मध्ये 6.14 टीएमसी म्हणजे 47.92 टक्के पाणी जमा झाले. तर टेमघर 1.18 टीएमसी म्हणजे 31.95 टक्के पाणी जमा झाला आहे. अशी माहिती खडकवासला पाटबंधारे विभागाचे कार्यकारी अभियंता विजय पाटील यांनी दिली. “धरण साखळीतील चार ही धरणाची मिळून 29.15 टीएमसी उपयुक्त साठवण क्षमता असून त्यापैकी, गुरुवारी संध्याकाळी पाच वाजता 15.03 टीएमसी म्हणजे 51.56 टक्के पाणीसाठा जमा झाले आहे गुरुवारी सकाळी मागील 24 तासात खडकवासला, पानशेत, वरसगाव व टेमघर या धरणात अनुक्रमे 18, 82, 80 व 85 मिलिमीटर पाऊस पडला. गुरूवारी सकाळी सहा ते गुरूवारी संध्याकाळी पाच वाजेपर्यंत म्हणजे अकरा तासात खडकवासला 12, पानशेत 31 व वरसगाव 37 व टेमघर येथे 45 मिलिमीटर पाऊस पडल्याची नोंद झाली आहे.