पुणे- पुणे महानगरपालिकेच्या वतीने १९ आरटीपीसीआर आणि २१ रॅपिड टेस्ट सेंटर पंधरा क्षेत्रिय कार्यालयांच्या माध्यमातून चालवली जातात. दर सात किंवा पंधरा दिवसांनी झोन प्रमाणे आठवड्यातील एक दिवस ही टेस्टिंग सेंटर बंद ठेवली जातात निश्चितपणे तिथे काम करणार्या आरोग्य कर्मचाऱ्यांना सुद्धा कामाचा ताण बघता सुट्टी देणे ही गरजेचे आणि क्रमप्राप्त आहे. पण शहरातील वाढणारी कोरोना ग्रस्तांची संख्या बघता ही सेंटर या काळामध्ये आठवड्यातून एक दिवस बंद ठेवणे अडचणीचे आहे. म्हणून आरोग्य कर्मचाऱ्यांच्या सुट्टीचा देखील विचार करून आणि पुणे शहरातील नागरिकांना करोनाच्या वाढत्या संसर्गातून मुक्त करण्यासाठी टेस्टिंगची गरज पाहता ही टेस्टिंग सेंटर सातही दिवस चालू ठेवणे गरजेचे आहे,तसेच आरोग्य कर्मचाऱ्यांच्या सुट्टीचा विचार करता त्या ठिकाणी दुसरी पर्यायी व्यवस्था देखील प्रशासनाने उपलब्ध करावी ही विनंती, इथून पुढच्या काळामध्ये या सर्व टेस्टिंग सेंटरमधील टेस्टिंग ची संख्यादेखील वाढवावी आणि आणि सातही दिवस पुणे महानगरपालिकेचे सर्व टेस्टिंग सेंटर सुरू ठेवण्यात यावीत, अशी मागणी नगरसेवक विशाल तांबे यांनी केली आहे