पुणे : जिल्हा क्रीडा परिषद आणि जिल्हा क्रीडा अधिकारी कार्यालयाद्वारा आयोजित पुणे जिल्हास्तरीय शालेय जलतरण स्पर्धा न्यू इंग्लिश स्कूल व ज्युनियर कॉलेज लांडेवाडी तालुका आंबेगाव येथे नुकतीच झाली. या स्पर्धेत सूर्यदत्ता पब्लिक स्कुलच्या वैष्णवी मोरे, समृद्धी घोलबा व अद्विका रमेश या जलतरणपटूंनी या मिळवले.
वैष्णवी मोरे हिने १७ वर्षाखालील मुलींच्या गटात (११ वी विज्ञान) १०० मीटर फ्री स्टाइल, ५० मीटर ब्रेस्ट स्ट्रोक व १०० मीटर ब्रेस्ट स्टोक या प्रकारात प्रथम क्रमांक पटकाविला. समृद्धी घोलाबाने (११ वी विज्ञान) २०० मीटर फ्री स्टाइल प्रकारात प्रथम, १०० मीटर बटरफ्लाय प्रकारात द्वितीय, तर १०० मीटर फ्री स्टाइल प्रकारात तृतीय क्रमांक पटकाविला. १९ वर्षाखालील मुलींच्या गटात अद्विका रमेश (१२ वी विज्ञान) हिने ५० मिटर बॅक स्ट्रोक प्रकारात प्रथम क्रमांक पटकाविला. या तीनही विद्यार्थिनींची विभागीय स्पर्धेसाठी निवड झाली आहे. सुर्यदत्ता ग्रुप ऑफ इन्स्टिट्यूटचे अध्यक्ष प्रा. डॉ. संजय चोरडिया व उपाध्यक्षा सुषमा चोरडिया विद्यार्थिनींचे अभिनंदन केले.