पुणे : सूर्यदत्ता ग्रुप ऑफ इन्स्टिट्यूटच्या ऍनिमेशन विभागातील प्रा. अमोल गुप्ते आणि प्रा. अंकित जैन यांना ‘गोल्डन पिक्सल’ पुरस्काराने सन्मानित करण्यात आले. एमसीई सोसायटीच्या पीए इनामदार कॉलेज ऑफ व्हिज्युअल इफेक्ट्स, डिझाईन अँड आर्टच्या वतीने आझम कॅम्पस येथे झालेल्या समारंभात हे पुरस्कार प्रदान करण्यात आले. यावेळी प्रमुख पाहुणे म्हणून एनवाय व्हीएफएक्सवालाचे सहसंस्थापक प्रसाद सुतार, महाविद्यालयाचे प्राचार्य डॉ. ऋषी आचार्य उपस्थित होते. प्रा. अमोल गुप्ते ऍनिमेशनमध्ये पारंगत असून, विद्यार्थ्यांना नवनवीन प्रकल्पांसाठी प्रोत्साहित करण्यात ते आग्रही असतात. तर अंकित जैन यांना नुकतेच एज्युकेशन आयकॉन पुरस्कारानेही सन्मानित करण्यात आले आहे. नवतंत्रज्ञानाचा उपयोग करून अनिमेशनचे ज्ञान देण्यात त्यांचा हातखंडा आहे.