पुणे- भातीय जनता पार्टी पुणे शहर झोपडपट्टी आघाडी व गुलटेकडी एकता प्रतिष्टान यांच्या संयुक्त विद्यमाने महर्षीनगर येथील संतनामदेव शाळेत पुणे मनपा आरोग्य सेविकांचा साडीचोळी व पुष्पगुच्छ देऊन सन्मान करण्यात आला. यावेळी बिबवेवाडी प्रभाग समितीच्या अध्यक्षा राजश्री शिळीमकर , पर्वती महिलाअध्यक्ष अनिता दीक्षित,भाजप झो.आघाडीचे किरण वैष्णव पर्वती आर.पी आय चे महेश सकट महापालिका मुकादाम बाळासाहेब शेलार ,संतोष पिटले ,सचिन खंडागळे ,महेश साळुंखे, व गुलटेकडी एकटा प्रतिष्ठान चे पदाधिकारी उपस्थित होते.
प्रतिष्ठान चे अध्यक्ष गणेश शेरला म्हणाले दरवर्षी नवरात्रमध्ये देवीला आम्ही तोरण अर्पण करतो.यंदाच्या वर्षी मंदिरे बंद असल्याने देवीचे तोरण आम्ही आरोग्य सेविकांना अर्पण केले. कोरोना सारख्या महामारीतून सुखरूप बाहेर पडण्यासाठी आरोग्य सेविकांनी दिलेल्या योगदानाची समाजात नोंद राहील.