पुणे-माजी सभागृह नेते श्रीनाथ भिमाले यांना जाधवर इंस्टिट्यूट तर्फे ‘आदर्श नगरसेवक’ पुरस्काराने सन्मानित करण्यात आले .जाधवर इंस्टीट्यूट तर्फे आयोजित करण्यात आलेल्या “6वा युवा संसद’ कार्यक्रमामध्ये हा पुरस्कार जाहीर करण्यात आला होता . या कार्यक्रमात खासदार रणजीतसिंह नाईक निबाळकर, राज्यमंत्री कु. आदिती तटकरे, आमदार भरत गोगावले यांना देखील पुरस्काराने सन्मानित करण्यात आले. पुरस्काराचे वितरण उल्हास पवार यांच्या हस्ते करण्यात आले. या कार्यक्रमास अनेक मान्यवर उपस्थित होते. या निमित्ताने श्रीनाथ भीमाले यांनी युवकांशी संवाद साधला. ते म्हणाले की भारताचे उज्ज्वल भविष्य हे अण्वस्त्र नसून युवा पिढी आहे. पंतप्रधान मोदी यांनी या गोष्टीचे महत्व ओळखून युवकांसाठी वेगवेगळे उपक्रम आयोजित केले आहेत. प्रत्येक स्तरावर युवकांना यशस्वी करण्यासाठी ते प्रयत्नशील आहेत. युवकांनी आज भारताच्या राजकारणामध्ये आले पाहिजे. आपले प्रयत्न प्रभावशाली असतील तर यश हे आपलेच आहे. युवकांच्या सक्रिय सहभागामुळे भारत नक्कीच लवकरच महासत्ता बनेल.