पुणे- आद्यक्रांतीगुरू लहूजी वस्ताद साळवे यांची २२७ व्या जयंती च्या पूर्व संध्येला क्रांतीकारकांच्या वंशजांकडून लहुजींना दिपोत्सवाने अभिवादन करण्यात आले.
भवानी पेठेतील लहूजी क्रीडा संकुल येथील पुतळ्यासमोर देशाचे क्रांतिकारक देशभक्त केशवराव जेधे यांचे वंशज कनोजी जेधे ,आद्यक्रांतीगुरू लहूजी वस्ताद साळवे यांचे शिष्य लोकमान्य बाळगंगाधर टिळक यांचे वंशज रोहित टिळक या क्रांतिकारकाच्या वंशजांच्या हस्ते “जगेन तर देशासाठी मरेन तर देशासाठी “ हा महामंत्र अनेक क्रांतीयोध्याना देणारे सशत्र क्रांतीचेजनक आद्यक्रांतीगुरू लहूजी वस्ताद साळवे जयंती महोत्सवा निमित दिपोत्सव साजरा करण्यात आला.
याप्रसंगी पुणे शहर जिल्हा कॉंग्रेस कमिटीचे अध्यक्ष माजी गृहराज्य मंत्री रमेश बागवे व महाराष्ट्र प्रदेश कॉंग्रेस कमिटीचे उपाध्यक्ष माजी आमदार मोहन जोशी, यादवराव सोनावणे यांच्या प्रमुख उपस्थिती मध्ये संपन्न झाला. कार्यक्रमाचे मुख्य संयोजक नगरसेवक अविनाश बागवे यांनी प्रमुख पाहुण्याचे शॉल, श्रीफळ व बुके देऊन स्वागत केले. कार्यक्रमाचे सूत्र संचालन विठ्ठल थोरात यांनी केले, तर आभार अरुण गायकवाड यांनी मानले. या दिपोत्सव कार्यक्रमासाठी संजय साठे,सौ. सुरेखा खंडाळे, दयानंद अडागळे, सुनिल बावकर, हुसैन शेख, रोहित अवचिते, मारुती कसबे , इत्यादींनी विशेष परिश्रम घेतले.