पुणे दि.12:- शैक्षणिक वर्ष 2019-20 मध्ये पुणे जिल्हयातील माजी सैनिक / विधवांच्या पाल्यामधून इ. 10 वी. व 12 वी बोर्डाच्या परीक्षेत सर्वाधिक गुण प्राप्त करुण उत्तीर्ण झालेल्या एक-एक पाल्यांची निवड एअर मार्शल व्ही. ए. पाटकर विशेष गौरव पुरस्कारासाठी करण्यात येणार आहे. पुणे जिल्हयातील संबंधित माजी सैनिक/ विधवांनी त्यांच्या पाल्यांचे जिल्हा सैनिक कल्याण कार्यालयात उपलब्ध असलेला विहीत नमुन्यातील अर्ज 20 सप्टेंबर 2020 पूर्वी जिल्हा सैनिक कल्याण कार्यालय, पुणे येथे सादर करावेत, असे आवाहन जिल्हा सैनिक कल्याण अधिकारी ले.कर्नल आर आर जाधव (निवृत्त) यांनी केले आहे.