मध्यप्रदेश, उत्तर प्रदेश, उत्तराखंड, तामिळनाडू, राजस्थान व बिहार राज्यातील प्रवाशी
– विभागीय आयुक्त डॉ. दीपक म्हैसेकर
पुणे, दि. 18 – लॉकडाऊनमुळे अडकलेल्या मध्यप्रदेश, उत्तर प्रदेश, उत्तराखंड, तामिळनाडू, राजस्थान व बिहार हिमाचल, झारखंड, छत्तीसगड राज्यामधील 78 हजार 19 मजुरांना घेऊन पुणे विभागातून 60 विशेष रेल्वेगाडया रवाना झाल्याची माहिती विभागीय आयुक्त डॉ. दीपक म्हैसेकर यांनी दिली.
डॉ. म्हैसेकर म्हणाले, पुणे विभागातून मध्यप्रदेशसाठी 16, उत्तरप्रदेशसाठी 27, उत्तराखंडसाठी 1, तामिळनाडूसाठी 2, राजस्थानसाठी 5, बिहारसाठी 6, हिमाचल प्रदेशसाठी 1 झारखंड साठी 1, छत्तीसगडसाठी 1, अशा एकूण 60 रेल्वेगाडया 78 हजार 19 प्रवाशांना घेवून रवाना झाल्या आहेत. 18 मे 2020 रोजी दिल्लीवरुन एक रेल्वेगाडी आली असून त्यामध्ये एकूण 324 प्रवासी आहे (पुणे 111, सांगली 31, सातारा 38, सोलापूर 54, कोल्हापूर 45)
तसेच 19 मे 2020 रोजी पुणे विभागातून उत्तरप्रदेशसाठी 1, जम्मू आणि काश्मिर साठी 1 बिहारसाठी 2 तसेच छत्तीसगडसाठी 1 अशा एकूण 5 रेल्वेगाडया नियोजित असून यामध्ये एकूण 7 हजार 84 प्रवाशी अपेक्षित आहेत.
यापैकी पुणे स्थानकावरून उत्तरप्रदेश, जम्मू आणि काश्मिर बिहार व छत्तीसगड यांच्यासाठी प्रत्येकी एक रेल्वे 5 हजार 628 प्रवाशांसह नियोजीत आहे. तर कोल्हापूर रेल्वे स्थानकावरुन बिहारसाठी 1 हजार 456 प्रवाशांसह एक रेल्वेगाडी नियोजीत आहे. या नागरीकांच्या प्रवासाच्या नियोजनाकरीता सबंधित जिल्हा प्रशासन, पोलीस यंत्रणा, संबंधित तहसील कार्यालय आणि रेल्वे विभागाच्या अधिकारी-कर्मचारी यांनी यामध्ये मोलाची भूमिका बजावत असल्याचेही डॉ. म्हैसेकर यांनी सांगितले.
0 0 0 0 0 0