पुणे- पुणे शहरातील मागीलवर्षाची अतिवृष्टी त्याच पाठोपाठ कोरोनाच्या महामारीमुळे अनेक व्यवसायांसोबतच गणेश मुर्तीकार यांच्या देखील उत्पन्नावर गदा आलेली आहे. कोरोनाच्या पार्श्वभुमीवर शासनाने डिस्टसिंग चे पालन करुन विविध व्यवसाय व दुकाने उघडण्यास परवानगी दिलेली आहे. सध्या गणेश उत्सवाचे दिवस जवळ येत असुन पुणेकरांना श्री.गणेशाची मुर्ती उपलब्ध होण्यासाठी श्री.गणेश मुर्तीचे स्टॉल उभारणे, गरजेचे असून त्याला त्वरित परवानगी द्यावी अशी मागणी विरोधी पक्षनेत्या दिपाली धुमाळ यांनी केली आहे.
दरवर्षी पुणे शहरात गणेश उत्सव मोठ्या उत्साहाने साजरा होतो. दरवर्षी पुणे महानगरपालिकेकडुन गणेश मुर्ती विक्रिचे स्टॉल उभारण्यास परवानगी दिली जाते. कोरोनाच्या पार्श्वभुमीवर पुणेकरांना श्री.गणेश मुर्ती उपलब्ध होण्यासाठी शहराच्या विविध भागात शासनाच्या सोशल डिस्टसिंग नियमांचे पालन करुन दरवर्षी प्रमाणे यंदाच्या वर्षी श्री.गणेश मुर्ती विक्रि स्टॉल उभारण्याची परवानगी देण्यांत यावी. श्री.गणेश मुर्ती विक्रि स्टॉल हे सर्व पुणेकरांना मुर्ती उपलब्ध होईल, डिस्टसिंगचे पालन होईल व नागरीकांना नजिकच्या ठिकाणी उपलब्ध होईल अश्या प्रकारे कार्यवाही करावी. तसेच दरवर्षी श्री.गणेशमुर्ती विसर्जनासाठी मोठ्या प्रमाणात तयारी केली जाते.उदा विसर्जन घाट, विसर्जन हौद यांची उपलब्धता केली जाते. या वर्षाच्या कोरोनाच्या पार्श्वभुमीवर श्री.गणेश मुर्ती विसर्जनाबाबतचे नियोजन करण्याची मागणी संदर्भाकींत पत्राद्वारे पुर्वीच केलेली आहे. श्री.गणेश मुर्तीचे विसर्जन घरीच करणेबाबत नियोजन असुन त्याबाबतचे आवाहन आपण करुच. परंतु काही प्रमाणात श्री.गणेश मुर्ती या बाहेर विसर्जन करणेस येण्याची शक्यता असल्याने त्याबाबतचे नियोजन करणे अत्यंत गरजेचे आहे. या संपुर्ण विषयाबाबत पुणेकरांमध्ये संभ्रमता असुन प्रशासनाची सदर विषयी असलेली स्पष्ट भुमीका तातडीने जाहीर करावी, असे पत्र महापौर यांना दिले आहे .असे धुमाळ यांनी काढलेल्या प्रसिद्धी पत्रकात म्हंटले आहे