पुणे- कचरा गाड्यांची टेंडर्स आणि चेन बुलडोझर चा काळा बाजार त्वरित थांबवावा अशी मागणी आज स्थायी समितीच्या सभेतच शिवसेनेचे नगरसेवक बाळासाहेब ओसवाल यांनी केली .स्थायी समितीच्या सभेत त्यांनी चेन बुलडोझरच्या टेंडर प्रकरणाला आक्षेप घेतला. हे लागतातच कशाला ? आणि ठेकेदाराला जेवढे पैसे दिलेत तेवढ्या पैशात तर पालिका स्वतःचे चेन बुलडोझर घेऊ शकत होती .. एकाच ठेकेदारावर हि कृपा का केली जाते आहे? असे प्रश्न उपस्थित केल्याने स्थायी समितीने हा विषय आठवडाभर पुढे ढकलला . कचरा उचलण्यासाठी च्या १०० गाड्यांच्या टेंडर प्रकरणी देखील नियमबाह्य काम होत असल्याचा आक्षेप घेऊन याप्रकरणी अधिकाऱ्यांवर कारवाई ची आणि चौकशीची मागणी ओसवाल यांनी केली . पहा आणि ऐका नेमके त्यांनी काय म्हटले आहे.