पुणे-क्रेडाई महाराष्ट्रचे अध्यक्ष राजीव परीख,आणि क्रेडाई नैशनल चे उपाध्यक्ष शांतीलाल कटारिया यांनी घर खरेदी साठी यंदा सुवर्णसंधी असल्याचा दावा करत या अक्षयतृतीयेला घर खरेदी जरूर करा असे आवाहन पुणेकरांना केले आहे.
या दोहोंनी असे म्हटले आहे कि,मालमत्ता खरेदी करण्यासाठी साडे तीन मुहूर्तमधील सर्वोत्तम असा अक्षय तृतीयेचा मुहूर्त आहे, असे आपण मानतो. पुण्यातील बांधकाम क्षेत्राविषयी सांगायचे झाल्यास, ज्या ८ शहरांमध्ये भारतातील ७५ टक्के बांधकाम व्यवसाय चालतो त्यापैकी पुणे हे एक शहर असून इतर शहरांपेक्षा अग्रगण्य देखील आहे. व्यवसाय, राहणे आणि गुंतवणुकीच्या कारणास्तव मालमत्ता खरेदीतही इतरांपेक्षा पुण्याला मागणी जास्त आहे. १ ते 5 टक्के जीएसटी, महरेरा कायद्याच्या प्रभावी अंमबजावणीमुळे बांधकाम क्षेत्रा विषयी निर्माण झालेला आत्मविश्वास आणि पारदर्शकता, सर्वात कमी व्याजदर आणि सुलभ गृहकर्ज, गेल्या ४ वर्षातील मालमत्तेचा सर्वात कमी दर, भविष्यात नव्हे तर कार्यान्वित असलेले मेट्रो, फ्लाय, अंडरपास, नवीन डीपी रस्ते, नवीन विमानतळ, रिंग रोड, आयटी पार्क, प्रधानमंत्री आवास योजनेस झालेली गती, स्मार्ट सिटी डेव्हलपमेंट, शिक्षण क्षेत्राचा विस्तार आणि आरोग्य सेवा, निरोगी वातावरण, विविध क्षेत्रातील रोजगाराच्या वाढत्या संधी आदी बाबींचा विचार करता, अक्षय तृतीयेला घराच्या सर्वाधिक विक्रीसाठी उत्तम वातावरण आहे असे वाटते. घर खरेदीसाठी अगदी योग्य वेळ आहे. ही संधी ग्राहकांनी दवडू नये.
पहिल्यांदा घर खरेदी करणाऱ्या ग्राहकांनी प्रधान मंत्री आवास योजनेच्या २.६७ लाख रुपयांच्या अनुदानाचा लाभ घेतला पाहिजे. तज्ज्ञांच्या मते, सोने आणि शेअरसारख्या इतर गुंतवणुकीपेक्षा रिअल इस्टेटमधील गुंतवणूकीमध्ये कर लाभ अधिक आहे. रिअल इस्टेटमध्ये गुंतवणुकीवरील परतावा सोन्याच्या आणि शेअर्सच्या तुलनेने अधिक आहे.पुण्यातील बांधकाम क्षेत्रातील गुंतवणूकदारांसाठी खूप उज्ज्वल भविष्य आहे.
महाराष्ट्रातील इतर शहरांच्या तुलनेत पुण्यातील उत्कृष्ट, आश्वस्त पाणी उपलब्धता तसेच सुरक्षित, निरोगी वातावरण हे पुणेचे वैशिष्ट्य आहे. पुण्यातील बहुतांशी नामांकित विकसक क्रेडाईचे सदस्य असून क्रेडाई म्हणजे विश्वास असे समीकरण आहे.असे त्यांनी म्हटले आहे .
यावर्षी घरखरेदी करण्याची सुवर्ण संधी यांची कारणे त्यांनी पुढीलप्रमाणे दिली आहेत …
१. घरांवरील जीएसटीचा दर १ एप्रिल पासून १ टक्के व ५ टक्के (परवडणाऱ्या घरे व इतर अनुक्रमे) करण्यात आला आहे.
२. रेडीरेकनरच्या दरांमध्ये कुठलीही दर वाढ न झाल्यामुळे स्टॅम्प ड्युटी देखील वाढली नाही
३. रिझर्व्ह बँकेने रेपो रेट्स कमी केल्यामुळे घर खरेदीसाठी बँकेच्या व्याज दरातही घट झाली आहे.
४. महारेराच्या पारदर्शकतेमुळे आणि प्रभावी अंमलबजावणीमुळे ग्राहक यावर्षी घर खरेदीचे असंख्य पर्याय निवडू शकतो
५. क्रेडाई मधील विश्वासार्ह विकसकांच्या विश्वासार्हतेचा आणि बाकी सर्व गोष्टींचा फायदा जाणकार घरखरेदीधारकांना होणार आहे.