आ. चंद्रकांतदादा पाटील यांचा पुढाकार
पुणे-भारतीय जनता पार्टीचे प्रदेशाध्यक्ष आणि कोथरूडचे आमदार मा. श्री. चंद्रकांतदादा पाटील यांच्यावतीने कोथरूडमधील सागर कॉलनी या प्रतिबंधित क्षेत्रांमधील स्थानिक नागरिकांची मोफत वैद्यकीय तपासणी करून भारत सरकारच्या आयुष मंत्रालय निर्देशानुसार कोरोनाच्या साथीमध्ये रोगप्रतिकार शक्ती वाढविण्यासाठी उपयुक्त ठरणारे होमिओपॅथीक अर्सेनिक अल्बम ३० औषधाचे मोफत वाटप करण्यात आले.
कोरोनाच्या वाढत्या प्रादुर्भावामुळे कोथरुडचे आ. चंद्रकांतदादा पाटील यांच्यावतीने व्यापक उपाययोजना करण्यात येत आहेत. यामध्ये गरजुंना मोफत अन्नधान्य वाटप, गावी परतणार्या नागरीक आणि मजुरांची मोफत तपासणी करुन प्रमाणपत्र देणे आदींचा समावेश आहे. यामध्येच आता कोथरुड मधील सागर कॉलनी हा प्रतिबंधित क्षेत्र घोषित करण्यात आले असून या भागातील नागरिकांची मोफत तपासणीचा उपक्रम राबविण्यात आला. याचे उद्घाटन सरचिटणीस पुणे शहर माननीय श्री राजेशजी पांडे व पश्चिम महाराष्ट्र संघटनमंत्री या श्री रविजी अनासपुरे यांच्या शुभ हस्ते करण्यात आले. या शिबिरामध्ये स्थानिक १२०० नागरिकांची तपासणी करून अर्सेनिक अल्बम ३० हे होमिओपॅथी औषध देण्यात आले. या शिबिरामध्ये डॉ संदीप बुटाला, डॉ. बाळकृष्ण गायकवाड, डॉ. गौरव पाटील, डॉ चिन्मय चोपडे, डॉ प्रशांत बोरुडे व सहकारी डॉक्टरांनी औषधांची घेण्याची पद्धत व त्याचे डोस घेण्याविषयी मार्गदर्शन केले.
यावेळी नगरसेवक श्री. दिलीप वेडे पाटील, श्री. किरण दगडे पाटील, सौ. श्रद्धाताई प्रभुणे पाठक, सौ. अल्पनाताई वर्पे, श्री. पुनितजी जोशी, स्वीकृत नगरसेवक बाळासाहेब टेमकर, आदी मान्यवर उपस्थित होते.
या शिबिरासाठी अॅड. रुपेश भोसले, राहुलदादा देशपांडे, उमेश मोकाटे, विजय राठोड, अमित बांडागळे, अभिजित ठाकूर, हनुमंत थोरात, रामदास तुरपे, अभिजित मुळे, अजित शिगवण, राहूल बिराजदार, महादेव टेंगसे, जितेंद्र सुर्यवंशी, धनंजय रसाळ, जाधव काका, अमर वाघमारे, कुंडलिक दुपारगुडे, पिंटू कानगुडे, अशोक नरवडे, अखिल सागर कॉलनी मित्र मंडळ, एकदंत फ्रेंड्स सर्कल ट्रस्ट यांनी सहकार्य केले.