पुणे -एका १९ वर्षीय तरुणाला कॉंग्रेस भवनाच्या मागच्या परिसरात एका नागरिकाच्या हत्येचा प्रयत्न केल्याच्या आरोपावरून आणि याच ठिकाणी कोयता आणि तलवार नाचवीत दहशत निर्माण करण्याचा प्रयत्न केल्याच्या आरोपावरून पोलिसांनी अटक केली आहे.त्याचे अन्य ३ साथीदार फरार असल्याचे सांगण्यात आले आहे.
दीपक काकाराम शर्मा (रा. मगर पट्टा ,हडपसर ) असे अटक केलेल्या तरुणाचे नाव आहे. याप्रकरणी सतीश काळे (वय ४१ रा. जुना तोफखाना ,शिवाजीनगर) यांनी पोलिसात फिर्याद नोंदविली आहे.पोलिसांनी सांगितले कि फिर्यादीचे घर कॉंग्रेस भवनाच्या बाजूला असून काल रात्री ते घरासमोर झोपले सतना आज ००.४५ वाजता हा प्रकार घडला .पूर्वीच्या भांडणाचा राग धरून शर्मा आपल्या ३ साथीदारासह तिथे आला आणि फिर्यादी यांच्या डोक्यावर डाव्या हाताच्या दंडावर वार केले .आणि जीवे ठार मारण्याचा प्रयत्न केला.फिर्यादी यांची पत्नी आणि मुलगी पुढे आली तेव्हा त्यांनाही ठार मारण्याची धमकी दिली .आणि हवेत चौघांनी कोयते ,तलवारी नाचवून आरडाओरडा करत या परिसरात दहशत निर्माण करण्याचा प्रयत्न केला .फौजदार एस.व्ही तरडे (मोबाईल -९५०३५६७३२२ ) याप्रकरणी अधिक तपास करत आहेत .