पुणे- कसबा पेठ,भवानी पेठ,रास्ता पेठ,गणेश पेठ,रविवार पेठ,शुक्रवार पेठ,बुधवार पेठ या परिसरात कंटेनमेंट झोन जाहीर केला आहे.मात्र येथील सर्वच ठिकाणी रुग्ण आढळत नसून ज्या भागात रुग्ण नाहीत असा भाग कंटेनमेंट झोन मधून वगळावा अशी मागणी राष्ट्रवादीचे नगरसेवक वनराज आंदेकर यांनी महापौर मुरलीधर मोहोळ व महापालिका आयुक्त शेखर गायकवाड यांना दिलेल्या निवेदनात केली आहे. ते म्हणाले कि आमच्या भागात सर्व कष्टकरी लोक रहातात .त्यात रिक्षा चालक ,हमाल,विडी कामगार , भाजी विक्रेते,घरकाम करणाऱ्या महिला,खासगी कर्मचारी व निमसरकारी कार्यालयातील कर्मचारी राहतात.गेली अडीच महिने ते सर्व नियमांचे पालन करीत आहेत.परंतु आज अनेक कुटुंबियांवर उपासमारीची वेळ आली आहे.पैश्याच्या अडचणी मुळे घरगुती वादाचे परिणाम उद्भवतात.ज्या ठिकाणी रुग्ण नाहीत त्या ठिकाणी थोडी शिथिलता मिळावी.तसेच येथील दुकानदारांकडे नाशवंत माल पडून आहे.त्या मालाची वैधता आता संपत आहे.या दुकानदारांना आपला माल दुकानांमधून बाहेर नेण्यासाठी व विकण्यासाठी जास्त वेळ मिळावा म्हणून कंटेनमेंट परिसरात काही भागात काही काळासाठी शिथिलता मिळावी अशी मागणी वनराज आंदेकर यांनी केली आहेया या प्रसंगी दीपक जगताप,गणेश नलावडे,किरण कद्रे व राष्ट्रवादीचे कार्यकर्ते व पदाधिकारी उपस्थित होते.