पुणे- कमला नेहरु हॉस्पिटलमध्ये अनेक वर्षे बंद असलेला मेडिकल आयसीयू अद्यापही सुरु नाही अशी ओरड करत आम आदमी पार्टीने इशारा दिल्यानंतर आज पुणे महापालिकेच्या कमला नेहरु रुग्णालयातील अतिदक्षता विभागात (आयसीयू) वातानुकूलीत यंत्रणा बसविण्यासाठी स्थायी समितीने मान्यता दिली. महापालिकेच्या कमला नेहरु रुग्णालयात महापालिकेचा अतिदक्षता विभाग विकसित करण्यात येत आहे. महापालिकेच्या रुग्णालयात सर्वसामान्य आणि गरीब रुग्णांना तातडीचे आणि अतिदक्षता विभागातील उपचारांची सुविधा उपलब्ध होणार आहे. या अतिदक्षता विभागासाठी आवश्यक असणारी वातानुकूलीत यंत्रणा बसविण्यासाठी स्थायी समितीने सुमारे ३४ लाख १५ हजार रुपयांच्या निविदेला मान्यता दिली.
आम आदमी पार्टीच्या डॉ. अभिजित मोरेंनी आरोग्य विभागातील अनेक गैरप्रकारांवर आवाज उठविला आहे, डॉक्टर भरती रखडवलीच्या आरोपांपासून अनेक महापालिकेच्या रुग्णालयांच्या बाबत तक्रारी केल्या आहेत.