पुणे: उत्स्फुर्तपणे दर्शनाला लोटलेल्या भक्तगणांच्या डोळ्याचे पारणे फेडून श्रीमंत दगडूशेठ हलवाई गणराजाने आज सकाळी ८ वाजण्याच्या सुमारास पुणेकरांचा निरोप घेतला. या गणरायाच्या छोट्या मूर्तीचे पांचाळेश्वर घाट येथील हौदात विसर्जन करण्यात आले. मध्यरात्रीनंतर सुरू झालेल्या दगडूशेठ हलवाई गणपतीच्या मिरवणुकीत पुणेकरांनी मोठी गर्दी केली होती. श्रीमंत दगडूशेठ हलवाई गणपतीच्या विनायक रथालरील एलईडी दिव्यांनी सर्वांचे लक्ष वेधून घेतले होते.
श्रीमंत दगडूशेठ हलवाई गणपतीचे विलोभनीय दर्शन घेण्यासाठी पुणेकरांनी अलका चौकात मोठी गर्दी केली होती. पुण्याच्या महापौर मुक्ता टिळक यांनी अलका चौकात गणपतीची आरती केली. यानंतर महापौरांनी या गणपतीच्य रथाचे सारथ्यही केले.