पुणे- महापालिकेतील १ कोटीची बोगस कामे, बोगस बिले, यांची फाईलचा भांडाफोड पैसे अदा करण्याच्या अखेरच्या टप्प्यात होतो ना होतो तोच आता सुमारे २ कोटीहून अधिक रकमेच्या साहित्याची महापालिकेच्या नाट्यगृहातून चोरी झाल्याचा प्रकार आज महापालिकेच्या मुख्य सभेतून चव्हाट्या वर आला आहे. आजवर हा प्रकार का दडपला गेला. सुरक्षा रक्षक,सीसीस टीव्ही असताना झालेल्या या गूढ चोरीचे मोठे रंजक गौडबंगाल नगरसेवक सुभाष जगताप यांनी महापालिकेच्या सभागृहात मांडले आहे. असे म्हणतात कि ओरीजनला साहित्य चोरट्यांनी नेले आणि त्याजागेवर नकली साहित्य आणून ठेवले . या प्रकरणी पोलिसात गुन्हा का ,कधी दाखला झाला याबाबतही माहिती विचारली जाते आहे .
बिबवेवाडीमधील लोकशाहीर अण्णाभाऊ साठे नाट्यगृहातील जवळपास दोन कोटी रुपये किंमतीचे साउंड बॉक्स चोरून नेल्याची घटना घडल्याची कबुली आज मुख्य सभेत प्रशासनाच्या वतीने देण्यात आली . नगरसेवक सुभाष जगताप यांनी हा मुद्दा उपस्थित करून सर्वांना धक्का दिला आणि चोरून नेलेल्या साउंड बॉक्सच्या ठिकाणी डुप्लिकेट साउंड बसवलेले आहेत. हा प्रकार लॉकडाउनमध्ये घडल्याचा संशय व्यक्त केला जात आहे. नाट्गृहाला सुरक्षा रक्षक आणि सीसीटीव्ही असतानाही हा प्रकार घडला आहे. त्यामुळे मख्यसभेत यामध्ये महापालिकेतील अधिकारी किंवा कर्मचाऱ्यांचा सहभाग असल्याचा संशय असल्याचा संशय व्यक्त करण्यात आला.
महापालिकेचे लोकशाहीर अण्णाभाऊ साठे हे नाट्यगृह उभारताना दोन कोटी रुपयांची अत्याधुनिक साऊंड सिस्टीम बसवण्यात आली होती. कोरोनाच्या काळात जवळपास दीड वर्षांपासून नाट्यगृह बंद होती. याकाळात साठे नाट्यगृहातील बॉश कंपनीचे सुमारे १२ साऊंड चोरीला गेले आहेत. हा प्रकार लक्षात येऊ नये म्हणून याठिकाणी डुप्लिकेट साऊंड बसवण्यात आल्याची घटना घडली आहे. महापालिकेच्या मुख्यसभेत नगरसेवक सुभाष जगताप यांनी हा विषय मांडताच खळबळ उडाली आहे. यामध्ये महापालिकेतील अधिकारी, कर्मचारी यांचा सहभाग असल्याशिवाय हा प्रकार होऊ शकत नाही त्यामुळे याची चौकशी झाली पाहिजे, अशी मागणी जगताप यांनी केली.