पुणे- महानगरपालिकेच्या बांधकाम विकास विभाग झोन क्रमांक २ यांच्या वतीने धायरी येथे ५०,००० चौरस फुटांच्या अनधिकृत बांधकामावर आज दि. १६ जून २०२२ रोजी कारवाई करण्यात आली.या परिसरात प्रथमच जॉ-कटरच्या साहाय्याने सहा मजली चार इमारती जमीनदोस्त करण्यात आल्या. शहर अभियंता प्रशांत वाघमारे, अधीक्षक अभियंता युवराज देशमुख यांच्या मार्गदर्शनाखाली व कार्यकारी अभियंता राहुल साळुंके, यांच्या नियंत्रणाखाली उप अभियंता राहुल तिखे, इमारत निरीक्षक संदेश पाटील, कनिष्ठ अभियंता धनंजय खोले, निशिकांत छाफेकर, हेमंत कोळेकर, किरण अहिरराव इत्यादींच्या पथकाने ही कारवाई केली.
पुणे महापालिकेचा कारभार प्रशासकाच्या ताब्यात गेल्यानंतर अतिक्रमण आणि अनधिकृत बांधकामे कारवाईच्या निशाण्यावर आली आहेत.रस्ते , पदपथ , साइड मार्जिनन सोडता केलेली बांधकामे तसेच अतिक्रमण करणाऱ्यांना पालिकेकडून चांगलाच दणका देण्यात आला आहे. मागील काही दिवसांपासून महापालिकेकडून अनधिकृत बांधकामांवर कारवाई केली जात आहे. धायरी रायकर मळा, सर्व्हे. नं. 76 येथील सुमारे 50 हजार चौरस फुटांच्या अनधिकृत बांधकामावर पुणे महानगपालिकेच्या वतीने आज कारवाई करण्यात आली.
पुणे महानगरपालिकेत समाविष्ट गावांचा विकास आराखडा अजुन तयार व्हायचा आहे. हा विकास आराखडा तयार करत असताना अनधिकृत बांधकामांमुळे अडथळा येत आहे. तरी नागरिकांनी कोणतीही अनधिकृत बांधकामे करू नयेत. असे आवाहन कार्यकारी अभियंता राहुल साळुंके यांनी नागरिकांना केले.
यावेळी सिंहगड पोलीस ठाण्याचे वरिष्ठ पोलिस निरीक्षक शैलेश संखे
पोलीस निरीक्षक प्रमोद वाघमारे यांच्या मार्गदर्शनाखाली महिला सहाय्यक पोलीस निरीक्षक प्रतिभा तांदळे पोलीस उपनिरीक्षक किशोर तनपुरे व 20 पोलीस कर्मचाऱ्यांनी कडक पोलीस बंदोबस्त ठेवला होता.