पुणे-आम्ही मोठ्या दैनिकाचे पत्रकार असून तुमच्या गोडाऊनमध्ये भेसळयुक्त अन्न धान्याची विक्री करुन, दोन नंबरचा धंदा करतो, यापूर्वी गुटख्याची विक्री करुन खुप पैसा कमावला आहे, असे म्हणत पेपरमध्ये बातमी छापून बदनामी करण्याची तसेच जीवे मारण्याची धमकी देत मारहाण करणाऱ्या सहा तोतया पत्रकारांविरोधात गुन्हा दाखल करण्यात आला आहे. आरोपींनी फिर्यादीकडून 5 लाख रुपयांची खंडणी देखील वसूल केली आहे. यात एका तोतया महिला पत्रकाराचा देखील समावेश आहे. या घटनेमुळे खळबळ उडाली आहे.
प्रमोद साळुंखे, वाजीद सय्यद, मंगेश तांबे, योगेश नागपुरे, लक्ष्मणसिंग तंवर, संजिवनी कदम (सर्व रा. पुणे) अशी आरोपी तोतया पत्रकारांची नावे आहेत. या प्रकरणी तेजाराम भिमाजी देवासी (वय ४२, धंदा व्यवसाय, रा. फ्लॅट नं. 305 सुरेख हाईट्स, केशवनगर-मांजरी रोड, केशवनगर, मुंढवा) यांनी मुंढवा पोलिस ठाण्यात फिर्याद दिली आहे. त्यानुसार गुन्हा दाखल करण्यात आला असून त्यांना त्यांना अटक करण्यात आली आहे. ही घटना 23/10/2022 ला घडली आरोपींना मंगळवारी अटक करण्यात आल्याची माहिती पोलिसांनी दिली.
पोलिसांनी दिलेल्या माहितीनुसार, फिर्यादी हे व्यावसायिक आहेत. 23 ऑक्टोबर रोजी केशवनगर मांजरी रस्त्यावरील गोडाऊन मध्ये असताना आरोपी प्रमोद साळुंके, वाजीद सय्यद मंगेश तांबे, योगेश नागपुरे, लक्ष्मणसिंग तंवर हे त्या ठिकाणी आले. यावेळी त्यांनी मी एका मोठ्या इंग्रजी दैनिकाचा पत्रकार असून आमच्या गोडाऊनमध्ये भेसळयुक्त अन्न धान्याची विक्री करुन, दोन नंबरचा धंदा करतोस. यापूर्वी गुटख्याची विक्री करुन खुप पैसा कमावला आहे. आता पेपरमध्ये बातमी लावून तुझी बदनामी करून बरबाद करून टाकतो अशी धमकी दिली. जर पैसे दिले नाही तर तुझ्या परिवारातील सर्वांना ठार मारतो, अशी धमकी देवून फिर्यादीच्या मुलाला त्यांनी मारहाण केली. तसेच पत्नीला आणि मुलाला गोडाऊनमधुन बाहेर न जाऊ देता प्रमोद साळुंखे, वाजीद सय्यद यांनी आत्मज्योती नावाच्या वृत्तपत्राच्या संपादक संजिवनी कदम यांच्यासाठी माझ्याकडून जबरदस्तीने 05 लाख रुपये खंडणी नेली. या घटनेनंतर फिर्यादी यांनी थेट मुंढवा पोलिस ठाणे गाठले. त्यांच्या तक्रारी नंतर गुन्हा दाखल करण्यात आला आहे.
या प्रकरणी वरीष्ठ पोलिस निरीक्षक अजित लकडे यांच्या मार्गदर्शनाखाली स. पो. नि करपे, पो. उप. नि बिनवडे पुढील तपास करत आहेत.