स्मार्ट सिटी करिता पुणेकरांकडून १ लाख १ हजार २११ सूचना
पुणे महानगरपालिकेच्या वतीने संगणक व करिअर क्षेत्रातील विविध संधी या विषयावर मार्गदर्शनाचे आयोजन.
पुणे-
पुणे महानगरपालिकेच्या वतीने स्मार्ट सिटी अंतर्गत नागरिकांकडून विविध विकास कामांकरिता ऑनलाईन सूचना व नागरिकांची मतं मागविण्यात आलेली होती. त्यानुसार आज सायंकाळपर्यंत सुमारे १ लाख १ हजार ६४६ नागरिकांनी संपर्क साधला. तसेच सुमारे १ हजार २११ सूचना नागरिकांकडून प्राप्त झाल्या.अशी माहिती जनसंपर्क अधिकारी संजय मोरे यांनी दिली दरम्यान पुणे महानगरपालिका, समाज विकास विभागामार्फत युवक कल्याणकारी योजना अंतर्गत ‘हॅलो माय फ्रेंड‘ उपक्रम राबविणेत येत आहे. तरूण-तरूणींना संगणक व करिअर क्षेत्रातील विविध प्रकारच्या संधी, तसेच मानसिक ताणतणाव या विषयावर तज्ञ व्यक्तींचे मार्गदर्शनाच्या कार्यक्रमाचे आयोजन केलेले आहे.असे सांगून ते म्हणाले .,
मार्गदर्शना अंतर्गत ‘संगणक क्षेत्रातील करिअर संधी‘ या विषयावर ज्येष्ठ संगणक तज्ञ डॉ. दिपक शिकारपूर, ‘करिअर क्षेत्रातील विविध प्रकारच्या नवीन संधी‘ या विषयावर ज्येष्ठ करिअर मार्गदर्शक व माजी संचालक PUMBA डॉ. शरद जोशी, तसेच ‘मानसिक ताणतणाव‘ या विषयावर मानसिक आरोग्य कौन्सिलर डॉ. सचिन ठाकूर मार्गदर्शन करणार आहेत.
वरीलप्रमाणे मार्गदर्शन शुक्रवार, दिनांक १७ जुलै २०१५ रोजी सकाळी ११.३० वा. पुणे महानगरपालिकेच्या पं. जवाहरलाल नेहरू आर्ट गॅलरी, महात्मा फुले वस्तू संग्राहलया समोर, घोले रस्ता, शिवाजीनगर, पुणे-०५ या ठिकाणी आयोजित केलेले आहे.