‘ब्रेस्ट कॅन्सर स्क्रीनिंग’ शिबिरामध्ये 91 महिलांनी घेतला तपासणीचा लाभ
पुणे :
खासदार अॅड. वंदना चव्हाण यांच्या मार्गदर्शनाखाली ‘चेंजमेकर्स’ या उपक्रमा अंतर्गत ‘ब्रेस्ट कॅन्सर स्क्रीनिंग’ शिबिराचे आयोजन करण्यात आले होते. ‘आस्था ब्रेस्ट कॅन्सर सपोर्ट ग्रुप’ लायन्स क्लब ऑफ पुणे, सहकारनगर आणि ‘रोटरी क्लब मिड टाऊन, सेन्ट्रल’ यांच्या एकत्रित सहकार्याने तसेच चेंजमेकर्सच्या वतीने आयोजित या शिबिरामध्ये एकूण 91 महिलांनी तपासणीचा लाभ घेतला.
शिबिराचे संयोजन वीरा विशाल घाटगे, शितल घाटगे आणि चेतना सिंग यांनी केले होते.
पर्वती दर्शन, सहकारनगर येथे झालेल्या या शिबिरामध्ये ब्रेस्ट कॅन्सरची पूर्व तपासणी व त्याबाबत महिलांमध्ये जनजागृती करण्यात आली. माधवबागच्यावतीने ‘हार्ट चेकअप’ करण्यात आले. ज्या महिलांना पुढील तपासणीची गरज असेल त्यांची ही तपासणी मोफत करून देण्याची सोय करून देण्यात आली.