पुणे : दि इन्स्टिट्यूट ऑफ चार्टर्ड अकाउंटंट्स ऑफ इंडिया (आयसीएआय) आणि प्राप्तिकर विभाग (इन्कम टॅक्स डिपार्टमेंट) यांच्या वतीने ‘टीडीएस’वर मार्गदर्शन सत्राचे आयोजन केले आहे. येत्या बुधवारी (दि. ४ सप्टेंबर) सकाळी १० ते १ या वेळेत बिबेवाडी येथील आयसीएआय भवन येथे हे सत्र होणार आहे. मुख्य प्राप्तिकर आयुक्त अनुराधा भाटिया यांच्या हस्ते सत्राचे उद्घाटन होणार आहे. या सत्रात टीडीएसमधील तरतुदी, कर कपात आणि तांत्रिक अडचणी याविषयी बोलणार आहेत. सनदी लेखापालांसह टीडीएस संबंधित अडचणी असणाऱ्यांना नागरिकांना यामध्ये सहभागी होता येईल. अधिक माहितीसाठी www.puneicai.org या वेबसाईटला भेट द्यावी, अशी माहिती पुणे ‘आयसीएआय’च्या अध्यक्षा सीए ऋता चितळे व उपाध्यक्ष सीए अभिषेक धामणे यांनी दिली आहे.