पिंपरी चिंचवड महानगरपालिकेचा ३३ वा वर्धापनदिनानिमित विविध क्षेत्रांत उल्लेखनीय कामगिरी केल्याबद्दल के. एस. बी. पम्पस लिमिटेडमधील कामगार भगवान मारुती वायाळ यांचा सन्मान करण्यात आला. राज्याचे माजी उपमुख्यमंत्री अजित पवार यांच्याहस्ते भक्ती शक्ती स्मारकाचे स्मृतीचिन्ह , शाल व पुष्पगुछ देऊन सन्मानित करण्यात आले .
भगवान मारुती वायाळ यांना महाराष्ट्र शासनाच्या महाराष्ट्र कामगार कल्याण मंडळातर्फे ” गुणवंत कामगार कल्याण पुरस्कार ” मिळाल्याबद्दल विशेष सन्मानित करण्यात आले . भगवान वायाळ हे युनिटी फॉर फ्रीडम फाऊडेशनचे संस्थापक अध्यक्ष , एकता तरुण मंडळाचे अध्यक्ष असून त्यांनी विविध क्रीडा स्पर्धांचे आयोजन केले होते . तसेच मोफत वैद्यकीय तपासणी शिबिराचे आयोजन केले होते . गरजू होतकरू विद्यार्थ्यांना शालेय साहित्याचे वाटप करतात , तसेच मुलांच्या कलागुणांना वाव देण्यासाठी चित्रकला स्पर्धा , रांगोळी स्पर्धा , गुणवंत कामगार सन्मान सोहळ्याचे आयोजन करण्यात आलेले आहे . स्वछता अभियान , वृक्षारोपण कार्यक्रम देखील घेण्यात आलेले आहे .
या सन्मान सोहळ्यास खासदार श्रीरंग बारणे , पिंपरी चिंचवड महानगरपालिकेच्या महापौर शंकुतला धराडे , आझम पानसरे , आमदार महेश लांडगे व अन्य मान्यवर उपस्थित होते .