मुंबई, १७ ऑक्टोबर २०२२: देशातील सर्वात मोठी बँक स्टेट बँक ऑफ इंडियाने आर्म्ड फोर्सेस बॅटल कॅज्युअल्टीज वेलफेयर फंडमध्ये २ कोटी रुपयांचे योगदान दिले आहे. युद्धामध्ये जखमी झालेल्या सैनिकांच्या कल्याणासाठी तसेच मृत सैनिकांच्या कुटुंबियांना मदत म्हणून या फंडचा वापर केला जातो.
भारताचे संरक्षण मंत्री श्री. राजनाथ सिंह यांच्या हस्ते सुरु करण्यात आलेल्या ‘माँ भारती के सपूत’ या नव्या वेबसाईटमार्फत एसबीआयने आपले हे योगदान दिले आहे. नवी दिल्लीत नॅशनल वॉर मेमोरियल कॉम्प्लेक्समध्ये आयोजित करण्यात आलेल्या एका कार्यक्रमात वेबसाईटचे उदघाटन करण्यात आले.
एएफबीसीडब्ल्यूएफ हा एक ट्राय-सर्व्हिस फंड आहे. सक्रिय मिलिटरी ऑपरेशन्समध्ये ज्यांनी आपल्या प्राणांची आहुती दिली किंवा जे गंभीररीत्या जखमी झाले आहेत अशा लष्कर/नौदल/वायुदलाच्या सैनिकांच्या कुटुंबियांना तातडीची आर्थिक मदत देण्यासाठी या फंडचा वापर केला जातो.