· पुण्यातील चाकण एमआयडीसीमध्ये २५० एकरांत, २५०० विद्युत व्यावसायिक वाहने तयार करण्याची सुविधा २०२३पर्यंत कार्यान्वित करण्याची योजना.
· ‘पीएमआय’च्या ५०० विद्युत व्यवसायिक वाहनांनी आतापर्यंत व्यापला ९५ लाख हरीत किलोमीटर इतका मार्ग, तसेच वाचविले ‘सीओटू’चे ५५०० मे.टन उत्सर्जन.
नवी दिल्ली, : भारतात विद्युत बसचे उत्पादन करणारी ‘पीएमआय’ ही आघाडीची कंपनी आता पुण्यात आपला सर्वात मोठा विद्युत व्यावसायिक वाहन निर्मिती प्रकल्प उभारत आहे. कंपनीतर्फे आज ही घोषणा करण्यात आली. चाकणच्या औद्योगिक वसाहतीत ३५ एकरात उभ्या राहणाऱ्या या कारखान्यात सुमारे १५०० कर्मचारी काम करतील. हरीत बांधकामांविषयीच्या नियमांचे पालन करणारा हा कारखाना ऑगस्ट २०२३पर्यंत कार्यान्वित होईल. दरवर्षी २५०० विद्युत व्यावसायिक वाहने तयार करण्याची क्षमता असलेल्या या कारखान्यात ऑक्टोबर २०२३पासून व्यावसायिक उत्पादन सुरू होईल.
विद्युत वाहनांचे बहुविध प्रकार, तसेच विद्युत ट्रक यांचे उत्पादन करण्यास हा कारखाना सक्षम असेल. ‘पीएमआय’च्या दिल्ली एनसीआर येथील कारखान्यात वर्षाकाठी १५०० विद्युत बसेस बनविण्याची क्षमता आहे. आता पुण्यात होणाऱ्या विस्तारामुळे, ‘पीएमआय’ची एकूण वार्षिक उत्पादन क्षमता ४००० विद्युत व्यावसायिक वाहनांपर्यंत वाढेल.
या आगामी कारखान्याच्या पायाभरणी समारंभानंतर कंपनीचे व्यवस्थापकीय संचालक सतीश कुमार जैन म्हणाले, “पुण्यातील कारखान्याच्या निमित्ताने आमच्या वाढीच्या पुढील टप्प्याची पायाभरणी करताना आम्हाला खूप अभिमान वाटत आहे. ‘मेक-इन-इंडिया’ आणि ‘मेक-फॉर-इंडिया’ या सरकारच्या कार्यक्रमांमध्ये योगदान देत जागतिक स्तरावर अग्रगण्य विद्युत व्यावसायिक वाहन उद्योग बनण्याचे आमचे स्वप्न आहे. ते पूर्ण करण्यात या कारखान्याची आम्हाला मदत होईल. कार्बनचे शून्य-उत्सर्जन असणारी व्यावसायिक वाहने बनविणारी प्रणेती कंपनी अशी आमची ओळख आहे. स्वच्छ ऊर्जेद्वारे चालणारी व्यावसायिक वाहने ही शाश्वत गतिशीलतेमध्ये महत्त्वाची भूमिका बजावतील, यावर आमचा ठाम विश्वास आहे. या विशिष्ट उद्योगाच्या भविष्यातील वाढीसाठी आम्ही सक्रियपणे योगदान देऊ इच्छितो आणि भारत सरकारने घालून दिलेले शाश्वततेचे लक्ष्य साध्य करू इच्छितो.”
पुण्यासारख्या महत्त्वाच्या ठिकाणी कारखाना उभारल्यामुळे, न्हावा-शेवा बंदराची सुविधा, तसेच पुण्यातील पुरवठा-साखळी परिसंस्था यांचा लाभ कंपनीला घेता येईल. तसेच महाराष्ट्र, गुजरात, कर्नाटक, मध्य प्रदेश यांसारख्या देशाच्या पश्चिम / मध्य / दक्षिण भागांतील प्रमुख बाजारपेठांसाठी लॉजिस्टिक्सचा फायदाही होईल.
या कारखान्याच्या रचनेमध्ये नवीनतम तंत्रज्ञान आणि किफायतशीर उत्पादन पद्धती यांचे योग्य ते संयोजन साधण्यात येणार आहे. त्यातून सर्वोत्तम दर्जाची गुणवत्ता, इष्टतम श्रम उत्पादकता, त्वरीत येणाऱ्या ऑर्डर्ससाठी जलद प्रतिसाद आणि मालमत्तेच्या उलाढालीचे उच्च प्रमाण या गोष्टी साधता येतील.
पर्यावरणपूरक व्यावसायिक वाहनांचे डिझाईन व त्याचे तंत्रज्ञान या बाबी भारतात आणता याव्यात, याकरीता ‘पीएमआय’ने ‘फोटॉन’ या जागतिक व्यावसायिक वाहन उत्पादक कंपनीसोबत सहयोग / भागीदारी केली आहे.