फिनॉलेक्स इंडस्ट्रीज लिमिटेडचे कार्यकारी अध्यक्ष श्री. प्रकाश छाबरिया यांचे केंद्रीय अर्थसंकल्प २०२३ बाबत वक्तव्य
“अर्थसंकल्पाने उपभोगाला अधिक प्रोत्साहन देण्यावर आणि अर्थव्यवस्थेला पुनरुज्जीवित करण्यावर भर दिला आहे त्याचे आम्ही कौतुक करतो. कृषी क्षेत्रावर वाढीव लक्ष केंद्रित केल्याने शेतकऱ्यांना त्यांचे कामकाज सुरळीतपणे करण्यास मदत होईल आणि सर्वसमावेशक ग्रामीण विकासासाठी अधिक निधी मिळेल. उच्च मूल्यांच्या फलोत्पादनासाठी केलेली स्वतंत्र तरतूद आणि कृषीक्षेत्रातील पायाभूत सुविधा निर्मिती निधी उद्योगाला अत्यंत आवश्यक असलेली चालना देईल. कृषी कर्जाच्या उदिष्टात रु. १८ लाख कोटींवरून २० लाख कोटी रुपयापर्यंत म्हणजे ११% वाढ झाल्याने उद्योगालाही फायदा होईल. आम्ही या उपाययोजनांच्या अंमलबाजवणींची आणि त्यांचा कृषी उद्योग आणि शेतकऱ्यांच्या नफ्यावर होणाऱ्या परिणामाची आतुरतेने वाट पाहत आहोत. या अर्थसंकल्पात घरांना पाणी पुरवठ्याची सोय आणि शौचालय सुविधा पुरविण्यावर स्वतंत्र लक्ष केंद्रित करण्यात आले आहे. यामुळे पल्ंबिंग आणि स्वच्छता व सांडपाणी व्यवस्था विभागातील मागणी वाढेल. याशिवाय, पायाभूत सुविधांच्या विकासासाठी भांडवली खर्चात ३३% नी वाढ करून १० लाख कोटी रुपयांची तरतूद आणि किफायतशीर घरांसाठी रु. ७९,००० कोटी एवढया निधीची केलेली तरतूद इमारत बांधकाम साहित्य आणि संबंधित क्षेत्रांसाठी उतप्रेरक म्हणून काम करेल.”