पुणे -योग विद्नान संस्थान दिल्ली, शाखा पुणे व वारजे हायवे परिसर विकास प्रतिष्ठान यांच्या संयुक्त विद्यमाने वारजे येथील राजमाता जिजाऊ योग साधना केंद्र मध्ये जागतिक योग दिनाचे औचित्य साधून कायमस्वरूपी योग वर्गाचे शुभारंभ करण्यात आले. या कार्यक्रमाचे आयोजन माजी विरोधीपक्षनेता दिपाली प्रदीप धुमाळ व माजी नगरसेवक प्रदीप ऊर्फ बाबा धुमाळ व मित्र परिवार यांच्या माध्यमातून करण्यात आले. हे योगावर्ग विनामूल्य असून वर्गामध्ये योगसाधना चे वर्ग घेण्यात येणार आहे.
प्रशिक्षक हे शास्त्रोक्त पध्दतीने उच्च शिक्षित व अनुभवी असून अनेक योग शिक्षक घडविण्याचे उद्दीष्ट आहे.याप्रसंगी योग विद्नान संस्थान दिल्ली पुणे शाखेचे प्रमुख शिवप्रकाश मानधनी; दत्तात्रय रेड्डी, राजाभाऊ अभ्यंकर, दिलीप सोमवंशी, उदय हर्डीकर, श्रीधर डुरेपाटील, सौ.सुलेखा मानधनी व मीनाताई गावडे यांनी योगा संदर्भात मानवाच्या दैनदिन जीवनामध्ये किती महत्वाचे स्थान आहे याचे महत्व पटवून दिले. योगा मधील प्रत्येक आसने किती महत्वाचे आहे व या आसना मुळे काय काय फायदे होतात व कोणते रोग अथवा शरीराला अपायकारक असणाऱ्या ज्या गोष्टी कशा दुर करायचे यावर शास्त्रोक्त पध्दतीने योग साधकांना योगाद्वारे व प्रात्यक्षिकाच्या माध्यमातून पटवून दिले . आजच्या या वर्गाच्या शुभारंभ प्रसंगी जवळपास दोनशे योग साधकांनी सहभाग घेऊन प्रत्यक्ष योग साधना केली. सदर योग वर्ग रोज सकाळी साडे सहा ते आठ यावेळेत कायमस्वरूपी सुरू राहिल या योग वर्गात जास्तीतजास्त योग साधकांनी व नागरिकांनी सहभागी होऊन आपले शरीर तंदुरुस्त व निरोगी , आनंदी राहण्यासाठी रोज योगा करावे असे दिपाली धुमाळ यांनी आवाहन केले. सदर योग वर्ग यशस्वी होण्यासाठी महादेव गायकवाड व सौ मानसी नलावडे व वारजे हायवे परिसर विकास प्रतिष्ठान च्या सर्व पदाधिकारी यांनी प्रयत्न केले.
