पुणे – कोरोनाच्या काळात पुणेकरांनी केलेला मदतीप्रति कृतज्ञता व्यक्त करण्यासाठी भारतीय जनता पार्टी वतीने ‘अभिमान पुण्याचा ही मोहीम सुरू आहे. या मोहिमेत तयार आलेल्या ‘पुन्हा एकदा साथ आले…’ या अभिमान गीताचे अनावरण विधानसभेतील विरोधी पक्ष नेते व माजी मुख्यमंत्री देवेंद्र फडणवीस यांचा हस्ते पुण्यात करण्यात आले.
याप्रसंगी पक्षाचे शहराध्यक्ष जगदीश मुळीक, महापौर मुरलीधर मोहोळ, सभागृह नेते गणेश बिडकर, स्थायी समितीचे हेमंत रासने उपस्थित होते. पुण्यातील सेवाव्रतीचा या गीतातून केला गेलेला गौरव औचित्यपूर्ण असल्याचे उद्गगार देवेंद्र फडणवीस यांनी या वेळी काढले. या मोहिमेद्वारे शहर भाजपाने आपली पालकत्वाची भूमिका निभावली असल्याचे सांगून श्री. फडणवीस यांनी भाजपा पदाधिकाऱ्यांचे अभिनंदन केले. वरुण नार्वेकर यांनी दिग्दर्शित केलेले हे गीत क्षितिज पटवर्धन यांनी लिहिले असून, जसराज जोशी यांनी गायले आहे. जसराज जोशी व सौरभ भालेराव यांनी संगीतबद्ध केलेल्या या गीताची मध्यवर्ती संकल्पना सेतू अॅडव्हर्टायझिंग संचालक ऋग्वेद देशपांडे यांची आहे.