पुणे : तरुण आणि विचारी व्यक्तीमत्व असल्याने आम्ही भारतीय जनता पक्ष, शिवसेना, आरपीआय (A), रासप, शिवसंग्राम, रयतक्रांती महायुतीच्या शिवाजीनगर मतदार संघाच्या अधिकृत उमेदवार सिद्धार्थ शिरोळे यांना पाठिबा देत असल्याची ग्वाही आज शहरातील आयटी आणि अभियांत्रिकी व्यावसायिकांनी दिली. आज सिध्दार्थ शिरोळे यांच्या कार्यालयामध्ये या सर्व आयटी आणि अभियांत्रिकी व्यावसायिकांनी त्यांची भेट घेत त्यांना आपला पाठिंबा जाहीर केला. नवी शिकलेली पिढी राजकारणामध्ये आपले मत व्यक्त करीत त्यामध्ये सक्रीय सहभाग घेत आहे ही कौतुकाची बाब असल्याचे सिद्धार्थ शिरोळे यांनी या वेळी नमूद केले.
याबरोबरच आज सकाळी सिद्धार्थ शिरोळे यांनी पुणे- मुंबई रेल्वे लाईन गेट क्र. २० च्या आजूबाजूला राहणा-या रहिवाश्यांची देखील भेट घेतली. लवकरच रेल्वे लाईनचे विस्तारीकरण होणार असून त्यामुळे या भागातील नागरिकांना अनेक समस्या येणार आहेत. या समस्या दूर करीत यावर उपाय लवकरच उपाय काढू, असे आश्वासन या वेळी शिरोळे यांनी दिले. बोपोडी गावठाण प्रभागाचे नगरसेवक प्रकाश ढोरे हे देखील यावेळी उपस्थित होते.
याशिवाय काल सायंकाळी प्रोग्रेसिव्ह एज्युकेशन सोसायटी सभागृह, माॅडर्न महाविद्यालय रस्ता, शिवाजीनगर येथे कार्यकर्त्यांच्या एका मेळाव्याचे देखील आयोजन करण्यात आले होते. यामध्ये सिद्धार्थ शिरोळे यांनी कार्यकर्त्यांना संबोधित करीत कामाला लागण्याच्या सूचना दिल्या. पंतप्रधान नरेंद्र मोदी आणि मुख्यमंत्री देवेद्र फडणवीस यांच्या विकासाची यात्रा आपल्या भागातील सामान्य कार्यकर्त्यापर्यंत पोहोचा असेही ते यावेळी म्हणाले. पुणे शहराचे विद्यामान खासदार गिरीश बापट, माजी खासदार अनिल शिरोळे, खासदार संजय काकडे यांबरोबर नगरसेविका ज्योस्त्ना एकबोटे, अर्चना मुसळे, नीलिमा खाडे, नगरसेवक दत्ता खाडे, अशोक येनपुरे, आदित्य माळवे, विजू शेवाळे, सतीश बहिरट, राजश्री काळे, मधुकर मुसळे ,गणेश घोष, रमेश ठोसर आदी यावेळी उपस्थित होते. कार्यक्रमाचे संयोजन प्रकाश ढोरे यांनी केले होते.