पुणे -पुणे शहराला कोरोनाने घेरले असताना महापालिका आयुक्त कोरोनाशी लढाई साठी सीएसआर फंडातून मदत मिळविण्यासाठी आवाहन करीत आहे तर दुसरीकडे शहरातील भाजपचे नगरसेवक आपले मानधन पी एम केअर फंडाला देत आहेत म्हणजे राजकारण करतंय कोण ? भाजपचे नगरसेव आपल्या मानधनाची रक्कम थेट पुण्याला का देत नाहीत ? नेमकं त्यांच्या मनात आहे तरी काय ? असे सवाल करीत आज ..राजकरण करू नका अशा महापौरांच्या आवाहनावर प्रती टोला राष्ट्रवादीचे शहराध्यक्ष आमदार चेतन तुपे पाटील यांनी लगावला आहे.
ते म्हणाले ,’शहरातील भाजप नगरसेवकांनी त्यांचं मानधन पीएम केअर फंडा ला दिले,एकीकडे पुण्याचे आयुक्त सीएसआर फंडातून मदत मिळविण्यासाठी आवाहन करत आहेत,अशा परिस्थितीत पुणेकरांचे कष्टाचे घामाचे टॅक्स रुपी पैसे
पुणेकरांसाठी न वापरता इतरत्र वापरणे योग्य नाही आम्ही सातत्याने कोरोनाच्या मध्ये राजकारण नको आपण सर्वांनी मिळून या संकटाचा सामना केला पाहिजे व पुणेकरांच्या साठी अधिक काम करून या संकटातून पुणे शहराची सोडवणूक झाली पाहिजे अशी भूमिका मांडत आलो आहोत परंतु भाजपाने महाराष्ट्रात मात्र सातत्याने या प्रश्नावर गलिच्छ राजकारण सुरू ठेवलेल आहे आणि आज पुण्यात तर निंदनीय राजकारणाचा कळस पाहण्यात आला आहे
आम्ही सातत्याने नगरसेवकांच्या निधीतून पुणेकरांसाठी औषधे, मास्क, अन्न, स्वच्छतेची उपकरणे, केमिकल घ्यावीत ही मागणी करत आलोय परंतु याच्याकडे जाणीवपूर्वक दुर्लक्ष करून सत्ताधारी भाजप पुणेकरांच्या सहनशीलतेचा अंत पाहत आहेत
पंतप्रधान निधीला पैसे देण्यापेक्षा हे पैसे पुणेकरांच्या हितासाठी वापरले असते तर जास्त योग्य झाले असते केंद्राला पैसे देऊन आपल्याला ज्या पुणेकरांनी निवडून दिलं ज्यांनी पुण्याची सत्ता दिली त्या पुणेकरांशी प्रतारणा केली त्यांच्यावर अन्याय केला आहे
केंद्र सरकार आपल्या कडून पैसे घेतोय परंतु केंद्राची वागणूक महाराष्ट्राच्या बाबतीत सापत्नपणाची आहे हे उघडउघड दिसून येतंय केंद्र सरकार मदत करताना महाराष्ट्राशी दूजाभाव करत आहे हे सर्वसामान्य माणसांना कळून चुकलंय अशा परिस्थितीत हे पैसे आपल्या पुणेकर जनतेसाठी वापरणं हे सत्ताधारी भाजपचं काम होतं परंतु अत्यंत खालच्या पातळीचे राजकारण करायची सवय लागल्यामुळे त्यांनी असं कृत्य केलेला आहे त्याचा मी तीव्र शब्दात धिक्कार करतो. असे चेतन तुपे पाटील यांनी म्हटले आहे.