पुणे-एका कार्यक्रमात केंद्रीय मंत्री नितीन गडकरी यांनी घोषणा केली होती की, पुणेकर नागरिकांना लवकरच हवेतील उडत्या बसने प्रवास करता येणार. या घोषणेची अनेकांनी खिल्ली उडवली होती .यावर आता पत्रकारांनी केलेल्या प्रश्नावर नितीन गडकरी यांनी उत्तर दिले आहे.
उडत्या बसचे पुढे काय झाले यावर नितीन गडकरी म्हणाले की, मी घोषणा करणार्यांपैकी नाही. कोणती घोषणा केली आणि ती पूर्ण केली नाही ते सांगा. तसेच हवेतील बससाठी पुणे महापालिकेने डीपीआर द्यावा. पुणे महापालिके मार्फत डीपीआर आल्यावर मंजुरी देण्यास तयार असल्याची भूमिका त्यावर त्यांनी मांडली.