पुणे, दि.2: पुणे विभागात कोरोना सांर्सगिक रुग्णसंख्या 2 एप्रिल सायंकाळ अखेर 85 असून पुणे महानगरपालिका 41, पिंपरी चिंचवड 14, सातारा 3, सांगली 25 आणि कोल्हापूर 2 अशी माहिती विभागीय आयुक्त डॉ. दीपक म्हैसेकर यांनी दिली आहे.
डॉ. म्हैसेकर म्हणाले, तपासणीसाठी पाठविलेले एकूण नमुने 1899 होते. त्यापैकी 1669 नमुन्यांचे अहवाल प्राप्त झालेले असून 176चे अहवाल प्रतिक्षेत आहे. प्राप्त अहवालापैकी 1544 नमुने निगेटीव्ह आहेत व 85 नमुने पॉझिटीव्ह आहेत. आतापर्यंत 18 रुग्णांना बरे झाल्यामूळे रुग्णालयामधून सोडण्यात आलेले आहे.
विभागामधील 7746 प्रवाशापैकी 4591 प्रवाशांबाबत फ़ॉलोअप सुरू असून 3155 प्रवाशांबाबत पूर्ण झालेला आहे, म्हणजेच 3155 व्यक्तींचा होम क्वारंटाइंन पूर्ण झालेला असून 4591 व्यक्ती अजूनही क्वारंटाइन आहेत.
आजपर्यंत 14,99,431 घरांचे सर्वेक्षण पूर्ण करण्यात आले असून त्याअंतर्गत 70,32,601 व्यक्तींची तपासणी करण्यात आली आहे. रुग्णलयाबाबत बोलतांना ते म्हणाले, विभागातील शासकीय रुग्णालयामध्ये एकूण PPE (Personal Protective Equipment) २२८२, N ९५ Mask २९६००, Triple Layer Mask 16582 व 1594 व्हेंटिलेटर्स उपलब्ध असल्याचे त्यांनी सांगितले.