परळी – राज्याचे लक्ष लागून असलेल्या परळी मतदारसंघात पंकजा मुंडेंचा धक्कादायक पराभव झाला. राष्ट्रवादी काँग्रेसचे उमदेवार धनंजय मुंडें यांनी 30 हजार मतांच्या फरकाने पंकजा मुंडेंना पराभूत करत भाजपचा गड आपल्या काबीज केला आहे. यावरून परळीच्या जनतेने पंकजा मुंडेना नाकारल्याचे दिसून आले.
एकीकडे आनंद आहे तर दुसरीकडे मनात खंत आहे – धनंजय मुंडे
परळी मतदारसंघातील जनतेचे मनापासून आभार. एकीकडे आनंद आहे तर दुसरीकडे मनात खंत आहे. त्यांनी जरी मला घरातील व्यक्ती मानले नसले तरी मी त्यांनी आपले मानतो. विरोधी पक्षात असताना 5 वर्षांत जनतेची प्रश्न मांडता आली आणि सोडवता आली आता पुढे आणखी काम करणार असल्याची प्रतिक्रिया धनंजय मुंडे यानी दिली. दरम्यान आज मला परळी मतदारसंघात विजयी गुलाल लागला. पण हे पाहायला आमचे आण्णा नाहीत. म्हणत धनंजय.मुंडे भावूक झाले.
पराभवाची जबाबदारी स्वीकारते – पंकजा मुंडे
जनतेचा कौल मी स्विकारला. लोकांनी का नाकारलं याचा अभ्यास करणार. माझ्यासाठी हा निकाल अनाकलनीय. पराभवाची जबाबदारी मी स्वीकारते. मी सभा घेतल्या तिथले उमेदवार विजयाच्या उंबरठ्यावर. कार्यकर्त्यांनी शांत रहावं. अशी प्रतिक्रिया पंकजा मुंडे यांनी दिली आहे.
दरम्यान बीड शहरात काका-पुतण्याच्या चुरशीच्या लढतीत राष्ट्रवादीचे संदीप क्षीरसागर यांनी काका जयदत्त क्षीरसागर यांचा पराभव केला.