गोयल गंगा डेव्हलपमेंट्सने उचलली नामांकित
कंपनीच्या अपूर्ण प्रकल्पांची जबाबदारी.
पुणे .: दरोडे जोग रियाल्टर्स यांना काही कारणास्तव आपले बांधकाम प्रकल्प नियोजित वेळेत पूर्ण करणे शक्य नव्हते. परंतु, व्यवसायिक स्पर्धेपलीकडे जाऊन गोयल गंगाने डेव्हलपमेंट्स त्यांना मदतीचा हात पुढे केला. संबंधित प्रकल्पांच्या पूर्णत्वाची जबाबदारी स्वीकारत गोयल गंगा डेव्हलपमेंट्स यांनी माणुसकीचा वेगळा आदर्श समाजापुढे प्रस्थापित केला.
पुण्यातील दरोडे जोग रियाल्टर्स यांना खराडी या भागातील ‘लिव्हॅनो फेज १’ हा प्रकल्प पूर्ण करण्यास अडचणी येत असल्याची बाब गोयल गंगाचे सुभाष गोयल यांना समजली. त्यांनी लगेच त्यांना सहकार्य करण्याचा निर्णय घेतला. तातडीने सर्व नियमांची पूर्तता केली. आता महारेरानुसार, प्रकल्पाची उभारणी गोयल गंगा डेव्हपमेंट्स करत असून नियोजित वेळेत हे प्रकल्प पूर्ण होतील, असा विश्वास त्यांना आहे.यामध्ये विकल्या गेलेल्या अपार्टमेंट्सची संख्या २०५ इतकी आहे.
याविषयी सुभाष गोयल म्हणाले की, बांधकाम क्षेत्रात विश्वासार्हता आणि पारदर्शकता टिकून ठेवणे अत्यंत महत्त्वाचे असते. हे जाणून आम्ही या कंपनीस मदत केली. या प्रकल्पातील पहिल्या फेजचे काम जवळपास पूर्ण होत आले आहे. आयसीआयसीआय बँक आणि संबधित विकसक यांच्या संमतीमुळे हा प्रकल्प लवकरच पूर्ण होईल, याची खात्री आहे.६० टक्के ग्राहकांनी दुसऱ्या विकसकाला प्रकल्प नवीन मुदतीत पूर्ण करण्यासाठी लेखी संमती दिली आहे. ज्यांना व्याजासकट परतावा पाहिजे आहे अशा ४० टक्के ग्राहकांना व्याजासकट परतावा देण्याच्या सूचना महरेराने दिल्या आहेत. व्यवसाय म्हटलं की, चढ-उतार येत असतात. परंतु, कोणत्याही कारणास्तव ग्राहकांच्या विश्वासास तडा जाऊ नये. या भूमिकेतून आम्ही हा निर्णय घेतला, असेही गोयल यांनी सांगितले.
रोजगार निर्मितीमध्ये देशात दुसऱ्या स्थानी असले तरी काही अपप्रवृत्तीमुळे बांधकाम क्षेत्राची प्रतिमा गेल्या काही वर्षांत मलीन झाली. असे असताना गोयल गंगा डेव्हपमेंट्स यांनी आपल्या कृतीतून माणुसकीचा वेगळा आदर्श समाजापुढे मांडला आहे. अडचणीत असणाऱ्या कोणालाही माणुसकीच्या नात्याने सहकार्य करण्याची महान शिकवण आपली भारतीय संस्कृती देते. सध्याच्या स्वार्थी युगात माणुसकी लोप पावत चालली आहे की काय असे वाटत असतानाच अशा सुखद घटनातून माणुसकीचा ओलावा अजूनही जिवंत असल्याचा प्रत्यय येतो.