मुंबई – महाराष्ट्र राज्य शिखर बँक घोटाळ्याप्रकरणी ईडीने मंगळवारी राष्ट्रवादी काँग्रेसचे अध्यक्ष शरद पवार, माजी उपमुख्यमंत्री अजित पवारांसह 70 जणांविरोधात गुन्हे दाखल केले. या प्रकरणी प्रतिक्रिया देत अजित पवारांनी सर्व आरोप फेटाळले आहेत. मी एका पैशाचा घोटाळा केला नाही. शरद पवार तर संचालक मंडळावरही नव्हते, त्यामुळे त्यांचा या प्रकरणाशी काहीही संबंध नाही असे अजित पवार यांनी म्हटले आहे. 25 कोटींचा गैरव्यवहार झालाच कसा? अजित पवारांचा सवाल केचा व्यवहार 12 हजार कोटींचा असताना 25 हजार कोटींचा गैरव्यवहार कसा झाला? शिखर बँकेत कोणताही गैरव्यवहार झालेला नाही. शंका असल्यास प्रकरणाची चौकशी करावी. राज्य शिखर बँक कोणत्या एका पक्षाची नाही. शिखर बँकेत राष्ट्रवादी, काँग्रेस, भाजप, शिवसेना, शेकाप सगळ्या पक्षांचे नेते होते. त्यात आम्ही भ्रष्टाचार केला नाही. या संपूर्ण प्रकरणाची चौकशी करावी असे अजित पवार म्हणाले.
आम्ही प्रत्येक प्रश्नांची उत्तरे द्यायला तयार मुंबई उच्च न्यायालयाने आमचे म्हणणे मांडायला संधी न देता एफआयआर दाखल करण्याचे आदेश दिले. त्यानंतर ईडीने कारवाई केली. मात्र आम्ही प्रत्येक प्रश्नांची उत्तरे द्यायला तयार आहोत असेही अजित पवार म्हणाले.