पुणे: खाजगी क्षेत्रातील कंपन्यांना मनुष्यबळ त्वरीत मिळवुन देण्यासाठी तसेच उमेदवारांना रोजगाराच्या संधी उपलब्ध करुन देण्याच्या दृष्टीने महाराष्ट्र शासनाच्या जिल्हा कौशल्य विकास, रोजगार व उद्योजकता मार्गदर्शन केंद्र, रास्ता पेठ, पुणे व श्री. केशवराज पतसंस्था मर्यादित, मरकळ, ता.खेड आणि ज्ञानेश्वर विद्यालय व ज्युनिअर कॉलेज, चाकण चौक, आळंदी देवाची, ता.खेड यांच्या संयुक्त विद्यमाने रविवार दिनांक-17 डिसेंबर 2017 रोजी सकाळी 10-00 वाजता श्री. ज्ञानेश्वर विद्यालय व ज्युनिअर कॉलेज, चाकण चौक, आळंदी देवाची, ता.खेड येथे रोजगार मेळाव्याचे आयोजन करण्यात आले आहे.
या रोजगार मेळाव्यासाठी पुणे शहरातील चाकण ,सणसवाडी, कोरेगाव भिमा एम.आय.डी.सी. औद्योगिक परिसरातील एकूण 35 उद्योजक सहभागी होणार असून एकूण 1 हजार 715 रिक्तपदे कळविली आहेत. पुणे जिल्हयातील उमेदवारांसाठी किमान एस.एस.सी./ एस.एस.सी ./ आय.टी.आय./ तांत्रिक पदविकाधारक, पदवीधारक तसेच उच्च् पदवीधार उमेदवारांनी दि.17 डिसेंबर 2017 रोजी प्रत्यक्ष मुलाखतीस उपस्थित रहावे. यामध्ये सहभाग घेऊ इच्छिणा-या उमेदवारांनी ( www.mahaswayam.in) या वेबसाईटवर उद्योजकांची मागणी पाहून आपली संमती नोंदवावी, असे आवाहन सहायक संचालक अ. उ. पवार, तसेच केशवराज पतसंस्थेचे संस्थापक / अध्यक्ष अनिलशेठ लोखंडे यांनी केले आहे.