राज ठाकरेंनी दिल्लीत जावून घेतली सोनिया गांधींची भेट
दिल्ली- मनसे अध्यक्ष राज ठाकरे यांनी सोनिया गांधी यांची भेट घेतली आहे. या भेटीची अतिशय गुप्तता पाळण्यात आली होती. राज्यातील विधानसभा निवडणुकीच्या तोंडावर राज आणि सोनिया यांच्या भेटीमुळे अनेक चर्चांणा उधाण आले आहे. ईव्हीएमच्या मुद्यावर निवडणूक आयुक्तांना भेटण्यासाठी राज ठाकरे दिल्लीत आले होते, सकाळी त्यांची भेट घेतल्यानंतर त्यांनी थेट सोनिया गांधींची भेट घेतली. 14 वर्षानंतर राज ठाकरे दिल्ली दौऱ्यावर आले आहेत. सोनिया गांधींची भेट हा निव्वळ योगा-योग आहे का, निवडणूक आयुक्तांची भेट सांगून सोनिया यांना भेटण्याचा हेतू होता, अशी अनेक प्रश्ने यावेळी उपस्थित होत आहेत.
काँग्रेस सध्या पक्षासाठी नवा अध्यक्ष शोधत असून, यूपीए अध्यक्षा सोनिया गांधींसोबतच भेट घेतल्यामुळे याकडे आगामी विधानसभा निवडणुकीच्या दृष्टीने पाहिले जात आहे. कारण, लोकसभेला राज ठाकरेंना सोबत घेण्यास काँग्रेसच्या राज्यातील काही नेत्यांचा विरोध होता, पण नंतर काँग्रेसच्या नेत्यांनीच मनसेला सोबत घ्यायला हवे होते, असे मत व्यक्त केले होते. विधानसभेसाठी राज्यात नवे समीकरण जुळण्याचीही शक्यता नाकारता येत नाही. ही सदिच्छा भेट होती की यामध्ये काही राजकीय चर्चा झाली याबाबत अजून कोणतीही माहिती समोर आली नाहीये.