सावंत यांची १ लाखाच्या मताधिक्याने झालेल्या विजयात मलबार हिलच्या ५९ हजार मतांचे योगदान
मुंबई : दक्षिण मुंबई लोकसभा क्षेत्रातील शिवसेनेचे उमेदवार अरविंद सावंत यांच्या विजयात मलबार हिलचे मुख्य भूमिका राहिली आहे. दक्षिण मुंबईच्या एकूण सहा विधानसभा क्षेत्रांमध्ये १ लाख ६७ मताधिक्क्याने विजय झालेल्या सावंत यांना भाजप उपप्रदेश अध्यक्ष मंगल प्रभात लोढा यांच्या मलबार हिल विधानसभा क्षेत्रातून ५८ हजार ५६७ मतांची सर्वात मोठी लीड मिळाली.
राहुल गांधी यांचे निकटवर्तीय असलेले काँग्रेस उमेदवार मिलिंद देवरा यांना मलबार हिल क्षेत्रातून मिळाल्या पराजयामुळे काँग्रेसला मोठा धक्का बसला आहे. दरम्यान, लोकसभा निवडणुकीचा निकाल जाहीर होण्याआधी अनेक राजकीय पंडितांनी मिलिंद देवरा यांचा विजय निश्चित असल्याचे म्हटले होते. मारवाडी आणि गुजराती बहुतांश मतदार असलेल्या क्षेत्रांमध्ये देवरा यांच्या परिवाराचा मोठा जनाधार होता. मात्र यावेळी हा जनाधार पूर्णपणे सावंत यांच्या बाजूने उभे करण्यास आमदार लोढा यांनी महत्त्वपूर्ण भूमिका पार पाडली.
शिवसेना उमेदवार अरविंद सावंत दक्षिण मुंबई मधून १ लाखांहून अधिक मताधिक्याने विजयी झाले. सावंत यांच्या या विजयात मलबार हिल विधानसभा क्षेत्राचे आमदार मंगल प्रभात लोढा यांचं सर्वात मोठे योगदान राहील. लोकसभा निवडणुकीआधीच मलबार हिल विधानसभा क्षेत्रात लोढा यांनी युतीच्या उमेदवाराला विजयी करण्यासाठी मतदारांची मोठं बांधणी सुरू केली होती. मतदानाच्या दिवशीही त्यांनी मलबार हिल विधानसभा क्षेत्रातील ५६ टक्के मतदान सुनिश्चित करून शिवसेनेच्या उमेदवाराचा विजय निश्चित केला. भाजप उपप्रदेश अध्यक्ष लोढा यांनी शिवसेना उमेदवार अरविंद सावंत यांना बहुमताने निवडून दिल्याबद्दल मलबार हिल क्षेत्रातील जनतेचे आभार व्यक्त केल्या आहेत.