पुणे- महाराष्ट्रातील दोन माजी मुख्यमंत्र्यांचा पराभव झाला आहे. काँग्रेस प्रदेशाध्यक्ष अशोक चव्हाण आणि काँग्रेसचे ज्येष्ठ नेते सुशीलकुमार शिंदे या दोन्ही माजी मुख्यमंत्र्यांचा पराभव झाला आहे. अशोक चव्हाण हे नांदेड लोकसभा मतदारसंघातून, सुशीलकुमार शिंदे सोलापूरातून रिंगणात होते.
नांदेडमधून अशोक चव्हाणांचा पराभव
महाराष्ट्राचे मुख्यमंत्रिपद भूषवलेले अशोक चव्हाण यांचा भाजपचे उमेदवार प्रताप पाटील चिखलीकर यांनी पराभव केला. तर सोलापूरमधून काँग्रेसचे माजी केंद्रीय गृहमंत्री आणि राज्याचे माजी मुख्यमंत्री सुशीलकुमार शिंदे यांचा भाजपचे जयसिद्धेश्वर महाराज यांनी पराभव केला आहे. सोलापूरमध्ये काँग्रेस आणि भाजपसोबतच वंचित बहुजन आघाडीकडून प्रकाश आंबेडकर रिंगणात होते. पण, जयसिद्धेश्वर महाराज यांनी बाजी मारली आहे.
वंचित बहुजन आघाडीने सोलापुरमध्ये चांगली मते मिळवली, त्यामुळे सुशीलकुमार शिंदेंना वंचित बहुजन आघाडीचा फटका बसल्याचे चित्र पाहायला मिळाले. प्रकाश आंबेडकर सोलापूर आणि अकोला या दोन्ही मतदारसंघातून पराभूत झाले आहेत.
पवारांना झटका देत सुजय विखे खासदार
लोकसभा निवडणुकीच्या नगर दक्षिण लोकसभामतदारसंघात कमळ फुलले आहे. दस्तुरखुद्द पंतप्रधान नरेंद्र मोदींनी सभा घेतलेल्या नगरमध्ये डॉ. सुजय विखे पाटील यांनी ऐतिहासिक विजय मिळवून पवार कुटुबियांना झटका दिला. त्यांनी सव्वा दोन लाख मतांची आघाडी घेऊन विजयाची औपचारिकता बाकी ठेवली आहे.
हातकणंगले: शिवसेना भाजप महायुतीचे उमेदवार धैर्यशील माने जवळपास लाखाच्या घरात विजयी आघाडी घेत राजू शेट्टींना शिवारात पाठवले आहे. सांगलीतून स्वाभिमानीला पराभव स्वीकारावा लागण्याची शक्यता आहे. त्यामुळे स्वाभिमानी शेतकरी संघटनेला अध्यक्ष राजू शेट्टी यांच्यासह दारुण पराभवाला समोर जावे लागले आहे. त्यामुळे राजू शेट्टी यांना भविष्यात राजकारण नव्याने विचार करावा लागणार आहे. हातकणंगलेमधून धैर्यशील माने ८७ हजार मताधिक्यांनी विजयासमीप पोहोचले आहेत.
राष्ट्रीय निकाल ( एकूण जागा – ५४३ )
पक्ष | आघाडी | विजयी | एकूण |
---|---|---|---|
भाजप + | 331 | 14 | 345 |
काँग्रेस + | 106 | 1 | 107 |
तृणमूल काँग्रेस | 25 | 0 | 25 |
बसप | 11 | 0 | 11 |
समाजवादी पक्ष | 6 | 0 | 6 |
तेलंगणा राष्ट्र समिती | 9 | 0 | 9 |
बिजू जनता दल | 13 | 0 | 13 |
तेलगु देसम पक्ष | 3 | 0 | 3 |
इतर | 9 | 0 | 9 |
महाराष्ट्राचा निकाल ( एकूण जागा – ४८ )
पक्ष | आघाडी | विजयी | एकूण |
---|---|---|---|
भाजप | 23 | 0 | 23 |
शिवसेना | 18 | 0 | 18 |
काँग्रेस | 1 | 0 | 1 |
राष्ट्रवादी काँग्रेस | 5 | 0 | 5 |
वंचित बहुजन आघाडी | 1 | 0 | 1 |
स्वाभिमानी शेतकरी संघटना | 0 | 0 | 0 |
बहुजन विकास आघाडी | 0 | 0 | 0 |
युवा स्वाभिमान पक्ष | 0 | 0 | 0 |
इतर | 0 | 0 | 0 |
एनडीए तपशील
पक्ष | आघाडी | विजयी | एकूण |
---|---|---|---|
भाजप | 288 | 14 | 302 |
शिवसेना | 18 | 0 | 18 |
एआयएडीएमके | 2 | 0 | 2 |
अकाली दल | 2 | 0 | 2 |
जनतादल, संयुक्त | 15 | 0 | 15 |
पीएमके | 1 | 0 | 1 |
आसाम गण परिषद | 1 | 0 | 1 |
लोकजनशक्ती पक्ष | 6 | 0 | 6 |
इतर | 6 | 0 | 6 |