पुणे-संजय काकडे यांची भूमिका महत्त्वाची (क्रीम रोल )असणार आहे आणि अनिल शिरोळे हे नाराज नाहीत असे गिरीश बापट यांनी म्हटलं आहे. पुणे महापालिकेपासून राजकीय प्रवासाला सुरुवात झाली आहे. आता राष्ट्रीय राजकारणात जातो आहे. पुणे लोकसभेच्या जागेसाठी अनेकजण इच्छुक होते. मात्र पक्षाने मला संधी दिली असं गिरीश बापट यांनी म्हटलं आहे.
मुख्यमंत्री देवेंद्र फडणवीस यांनी खासदार संजय काकडे यांच्यावर पश्चिम महाराष्ट्राची जबाबदार दिली जाणार आहे. त्या प्रश्नावर बापट म्हणाले की, संजय काकडे हे पश्चिम महाराष्ट्राचे समन्वयक असून त्यांची महत्त्वाची भूमिका असेल असेल अशी भूमिका त्यांनी यावेळी मांडली. यावेळी पालकमंत्री गिरीश बापट म्हणाले की, पुणे शहराच्या राजकारणात मागील ४० वर्षापासुन असून शहरातील प्रत्येक घटकांसोबत चांगला संपर्क आहे. तर आता लोकसभेसाठी नावाची घोषणा झाल्याने प्रत्येक भागात जाऊन नागरिकांशी संवाद साधणार आहे. त्याच बरोबर प्रतिस्पर्धी उमेदवाराच्या घरी देखील जाणार असल्याचे त्यांनी सांगितले.
खासदार अनिल शिरोळे यांनी पालकमंत्री गिरीश बापट यांची भेट घेतली. पुणे लोकसभेसाठी भाजपकडून विद्यमान खासदार अनिल शिरोळे यांच्याऐवजी पालकमंत्री गिरीश बापट यांना संधी देण्यात आली. त्यानंतर गिरीश बापट यांना भेटण्यासाठी भाजप कार्यालयात कार्यकर्त्यांची एकच गर्दी झाली होती. त्याच दरम्यान विद्यमान खासदार अनिल शिरोळे यांनी गिरीश बापट यांना पुष्पगुच्छ देऊन पुढील राजकीय वाटचालीस शुभेच्छा देखील दिल्या