हडपसर विधानसभा मतदारसंघाच्या सर्वांगीण विकासासाठी आ. महादेव बाबर यांच्यासारख्या निर्भीड लढाऊ नेतृत्वाची गरज असल्याने आम्ही सर्वजण उघडपणे विकासासाठी त्यांच्या पाठीशी असल्याचे परखड विचार जयभवानी चौकात बोलताना व्यक्त केले. शिवसेनेचा भगवा फडकणारच असेही भानगिरे म्हणाले. युवा नेते जयसिंग भानगिरे यांनी आमदार महादेव बाबर यांना जाहीर पाठिंबा व्यक्त केला त्यावेळी ते बोलत होते.
विधानसभा सार्वत्रिक निवडणुकीच्या प्रचाराच्या अखेरच्या टप्प्यात कोपरासभा, पदयात्रा, गाठी-भेटी, संस्था यांच्या वैयक्तिक भेटीवर सर्व उमेदवारांनी भर दिला आहे. राज्य राष्ट्रीय पातळीवरील नेतेमंडळींची जाहीर सभा त्यामुळे मतदारसंघात रिक्षा, घोषणा, कार्याचा आढावा या बाबींवर प्रत्येकांनी जोर दिला आहे. शेवटच्या दोन-तीन दिवसांसाठी अपक्षांच्या रिक्षाफेरीने मैदानात उतरले आहेत.
हडपसर विधानसभा मतदारसंघात शिवसेनेचे उमेदवार आमदार महादेव बाबर यांनी प्रचारात आघाडी घेतली आहे. सकाळी महंमदवाडी परिसरात जयभवानी चौकातून आमदार बाबर यांच्यासह शेकडो कार्यकर्त्यांनी भाग घेतला.