पुणे – महाराष्ट्र राज्याचे नवनिर्वाचित सामाजिक न्याय राज्यमंत्री दिलीप कांबळे यांनी पुणे कॅंटोन्मेंट विधानसभा मतदार संघात नागरिकांशी सवांद साधला . शंकरशेठ रोड येथील धोबी घाटपासून त्यांनी नागरिकांशी सवांद साधून त्यांच्या समस्या जाणून घेतल्या . येथील नागरी समस्या जाणून घेतल्या . त्यानंतर त्यांनी नवा मोदीखाना , कृष्णकुंज सोसायटी , सोलापूर बाजार येथील नागरिकांशी सवांद साधला . यावेळी त्यांनी नागरिकांशी सवांद साधताना सांगितले कि , आपण मला बहुमताने निवडून दिल्याबद्दल मी आपला आभारी आहे , पुणे कॅंटोन्मेंट विधानसभा मतदार संघाच्या सर्वागीण विकासासाठी जास्तीत जास्त वेळ देणार . आज प्रत्येक कुटुंबीयात जातीचा दखला काढावा लागतो , त्यासाठी आपण सामाजिक न्याय खात्याच्यावतीने शिधापत्रिकेप्रमाणे एकच कुटुंबातील सर्वांचा जातीचा दाखला देणार आहोत त्यामुळे पुन्हा पुन्हा तहसीलदार कचेरीवर जातीचे दाखले काढण्यासाठी हेलपाटे मारावे लागणार नाही . उत्पन्नाचा दाखला देखील कुटुंबियाच्या प्रमुखांच्या नावाने काढणार , आपण मतदार संघाच्या विकासाबरोबरच राज्याचा विकास करणार आहोत . आपण मतदारसंघात महिन्यातील एक रविवार पूर्ण वेळ देणार आहोत , तरुणांना रोजगारासाठी महामंडळामार्फत कर्ज देण्यापेक्षा व्यवसाय उभा करून देणार.
यावेळी भारतीय जनता पार्टी पुणे कॅंटोन्मेंटबोर्ड विभागाचे अध्यक्ष संतोष इंदुरकर , प्रविण जाधव , बालम परदेशी , जितेंद्र शिंदे , अतुल गायकवाड , प्रवीण गाडे , शशिधर पूरम , माजी नगरसेवक मनीष साळुंखे , सुनील सोळंकी , सागर शहा , महेंद्र भोज , मयुर सावंत , तन्वीर सय्यद , रणवीर अरगडे , ईश्वर कांकरिया , मोहनीश म्हेत्रे , राजाभाऊ झारखंडे , अजय पाटोळे आदी उपस्थित होते .