पुणे-रुबी हॉल ते अलंकार चौक उड्डाणपूल, वाहतूक कोंडी सोडविण्यासाठी स्कायवॉक, भुयारी मार्ग, इलेव्हेटेड रोड आणि मल्टीलेवल पार्किंग, संवेदनशील जागी सीसीटिव्ही, एसआरए-बी.एस.यू.पी-ईन्सिटीव्ह अशा योजनांच्या माध्यमातून झोपडपट्टय़ांचे पुनर्वसन, विविध भागांत मोफत डायलिसिस सेंटर आदी आश्वासनांसह पुणे कॅन्टोंन्मेट विधानसभा मतदार संघातील काँग्रेसचे विद्यमान आमदार रमेश बागवे यांचा जाहीरनामा सोमवारी प्रकाशित करण्यात आला.
सर्वसामान्य नागरिकांना आकर्षित करता येईल, अशा बाबी जाहीरनाम्यात समाविष्ट करण्यात आल्या आहेत. गेल्या ५ वर्षांत विधानसभा मतदार संघातील अनेक प्रश्न सोडविण्यात यश आले आहे. सर्वसामान्य जनतेच्या अडचणी समजावून घेत प्रत्येकाला न्याय देण्याचे प्रयत्न केले आहे. काँग्रेस पक्षाने माझ्यावर सोपविलेली जबबाबदारी मी पार पाडत आहे, असे बागवे यावेळी म्हणाले.घोरपडी येथील उड्डाणपूल उभारण्यासाठी माझ्यासह अनेक आमदारांनी प्रयत्न केले आहेत. मात्र ती जागा आर्मीच्या हद्दीत येत असल्याने पूल उभारणीस अनेक अडणची येत आहे. त्यामुळे सुरक्षेच्या कारणास्तव कामास परवानगी देण्यात आली नाही. याबाबत अनेक अधिकार्यांबरोबर चर्चा करण्यात आली आहे. त्यामुळे सर्वतोपरी प्रय▪करून हा प्रश्न मार्गी लावणार असल्याचे आश्वासन बागवे यांनी दिले.घोरपडीच्या उड्डाणपुलाचा प्रश्न मार्गी लावणार स्थायी समितीचे माजी अध्यक्ष सदानंद शेट्टी, नगरसेविका लक्ष्मी गोडगे, लता राजगुरू, अविनाश बागवे, माजी नगरसेवक रजनी त्रिभुवन, लक्ष्मण आरडे आणि शिक्षण मंडळाचे अध्यक्ष नुरुद्दीन सोमजी आदी यावेळी उपस्थित होते. विविध विकासकांचे भुमिपूजन, पुण्यातील सर्वात मोठी उदरु बालवाडी, अनेक शाळांमध्ये संगणकांचे वाटप तसेच शालेय त्यांना वस्तू पुरविणे, झोपडपट्टय़ांमधील विविध समस्यांचे निराकरण, युवकांसाठी आंतर राष्ट्रीय दर्जाचे बॉक्सिग स्टेडीयम, फुटबॉलचे मैदान, जॉगिंग ट्रक, व्यायामशाळा आदी विकासकामे केली असल्याची माहिती बागवे यांनी दिली.