नवी दिल्ली: पुण्याच्या संजय काकडे यांच्यासह ,माजी केंद्रीय गृहमंत्री सुशीलकुमार शिंदे तसेच संजय निरुपम आणि प्रिया दत्त यांच्यासह 12 जणांची उमेदवारी शुक्रवारी रात्री उशिरा महाराष्ट्र लोकसभा निवडणुकीसाठी कॉंग्रेस स्क्रीनिंग कमिटीने निश्चित केल्याचे वृत्त आहे.यूपीए -2 मधील प्रतिक्षा पाटील यांच्या नावावर देखील शिक्कामोर्तब झाल्याचे वृत्त आहे .राज्यात उर्वरित 14 जागांसाठी उमेदवारांना क्लिअरिंगसाठी चर्चा सुरू आहे.अखिल भारतीय काँग्रेस कमिटी (एआयसीसी) संस्थेचे प्रभारी के.सी. वेणुगोपाल, महाराष्ट्र राज्य प्रभारी मल्लिकार्जुन खर्गे, राज्य काँग्रेसचे प्रमुख अशोक चव्हाण आणि माजी महाराष्ट्र राज्यमंत्री पृथ्वीराज चव्हाण यांचा या बैठकीतील प्रमुखांमध्ये समावेश होता .
पक्षाच्या सूत्रांनी सांगितले की, राज्यात 11 जागांसाठी नामांकित उमेदवारांची नावे औपचारिकपणे 11 मार्चच्या निवडणुकीच्या केंद्रीय निवडणूक समितीच्या (सीईसी) बैठकीनंतर जाहीर होतील.
महाराष्ट्रातील एकूण 48 लोकसभा जागांपैकी कॉंग्रेस 26 जागांवर निवडणूक लढवेल, तर राष्ट्रवादी काँग्रेस पार्टी (एनसीपी) 22 जागांवर लढणार आहे.पक्षाच्या सूत्रांनी सांगितले की, शिंदे यांची उमेदवारी सोलापूर सीटसाठी मंजूर केली गेली आहे, निरुपम यांचे नाव मुंबईच्या उत्तर-पश्चिम लोकसभा मतदारसंघातून घेण्यात आले आहे.सुनील दत्त यांची मुलगी प्रिया दत्त यांचीही निवड करण्यात आली आहे. तथापि, त्यांचा मतदार संघ अद्याप निश्चित नसल्याचे सूत्रांनी सांगितले.
काँग्रेस पुणे मतदारसंघातून निवडणूक लढवत असून संजय काकडे यांचे नावही मंजूर केले आहे, सध्या भाजपचे सहयोगी अशी ओळख असलेले काकडे हे राज्यसभेचे स्वतंत्र सदस्य आहेत. श्री काकडे औपचारिकपणे कॉंग्रेसमध्ये सामील झाले नाहीत परंतु आगामी काही दिवसांत ते अधिकृत प्रवेश करतील असे सूत्रांनी सांगितले