पुणे-थायलंड येथे तब्बल तेरा हजार फूट उंचीवरून मराठमोळ्या शीतल महाजनने उडी घेतली. शीतल महाजन यांनी स्काय डायव्हिंग या साहसी खेळात 17 राष्ट्रीय व 6 जागतिक विक्रम आपल्या नावावर केले आहेत.
महाराष्ट्राची संस्कृती दर्शवणारी मराठमोळी नऊवारी साडी नेसून तिने उडी मारल्याने याला विशेष महत्व प्राप्त झाले आहे. आणखी एक विशेष बाब म्हणजे शीतल महाजन ही पुण्याची लेक असून तिला पद्मश्री पुरस्कार देखील मिळाला आहे. पॅरा जंपर (स्काय डायव्हर) साहसी खेळात उत्तुंग भरारी घेत पद्मश्री शीतल महाजन यांनी स्काय डायव्हिंग या साहसी खेळात 17 राष्ट्रीय व 6 जागतिक विक्रम आपल्या नावावर केले आहेत. एवढे विक्रम नावावर करणा-या शीतल महाजन या पहिल्या भारतीय महिला आहेत.
थायलंड येथे पॅराग्लायडिंग करताना नऊवारी साडी परिधान केली. यामुळे मराठी संस्कृती जगात पसरली आहे. तसेच साहसी मराठी बाण्याचे देखील प्रदर्शन संपूर्ण जगाला झाले. अशा प्रकारे एवढ्या उंचीवरून उडी घेतल्याचे अद्याप तरी ऐकिवात नाही. त्यामुळे पद्मश्री शीतल महाजन यांनी हा एक विक्रम केल्याचे म्हटले जात आहे.