मुंबई : पुणे महापालिकेच्या अतिरिक्त आयुक्तपदी भंडाऱ्याचे जिल्हाधिकारी शंतनू गोयल यांची बदली करण्यात आली.भारतीय प्रशासकीय सेवेत (आयएएस) कार्यरत असलेल्याराज्यातील अनेक वरिष्ठ अधिकाऱ्यांच्या बदल्या आज करण्यात आल्या. यामध्ये गोयल यांचा समावेश आहे. गोयल हे २०१२ च्या बॅचचे अधिकारी असून ते भंडारा येथे येण्यापूर्वी नागपूर महापालिकेत अतिरिक्त आयुक्त होते .त्यांनी आपल्या प्रशासकीय कारकिर्दीची सुरुवात चंद्रपूर जिल्ह्यातील राजुरा येथील उपविभागीय अधिकारी या पडा पासून केली .
याशिवाय सचिव आणि विशेष चौकशी अधिकारी एस. आर. दौंड यांची कोकण विभागाच्या विभागीय आयुक्तपदी नियुक्ती करण्यात आली. कामगार आयुक्त आर. आर. जाधव यांची मत्स आयुक्तपदी बदली झाली. याशिवाय अनेक वरिष्ठ अधिकाऱ्यांच्या बदल्या झाल्या. नवी मुंबईचे महापालिका आयुक्त डॉ. रामास्वामी एन. यांची कामगार आयुक्तपदी, मुंबई येथे बदली करण्यात आली.
तसेच जात पडताळणी समितीचे अध्यक्ष यू.ए. जाधव यांची पुणे जिल्हा परिषदेच्या मुख्य कार्यकारीपदी बदली झाली आहे.