वावरहिरे(सातारा)-वावरहिरे ,कापसे मळा येथे 6 मे 2018 रोजी दुपारी 2 वाजता चि. गणेश जालिंदर कापसे आणि चि. सौ.ज्योती नामदेव शिंदे यांचा महात्मा फुले यांना अभिप्रेत असलेल्या सत्यशोधक विवाह पद्धतीने महात्मा फुले यांचे वेशभूषेत रघुनाथ ढोक ,यांनी फुले शाहू आंबेडकर एज्युकेशनल अँड सोशल फौंडेशन चे बहुउद्देशीय सत्यशोधक केंद्रातर्फे विवाह लावला. महात्मा फुले व सावित्रीबाई फुले प्रतिमा भेट आणि सत्यशोधक विवाह प्रमाणपत्र दिले. याप्रसंगी कापसे व ढोक यांनी सर्वांना विविध प्रकारची 300 झाडे आणि मुलींना व महिलांना ज्ञानज्योती सावित्रीबाई फुले तसेच दीनांची साउली हे 191 ग्रंथ महात्मा फुले जयंती निमित्त वाटप केले.
या नवदाम्पत्यानी आजच विवाह ची हळद लागण्यापूर्वी वावरहिरे येथे श्री पाणलिंग पठारावर पाणी फौंडेशन साठी दोन्ही वऱ्हाडसह श्रमदान करून वेगळा आदर्श निर्माण केला.यावेळी सरपंच चंद्रकांत वाघ ,सातारा जिल्हा बँकेचे मा.अनिल देसाई ,पाणी फौंडेशन कोअर टीम आणि हजारोचे संख्येने जनसमुदाय उपस्थतीत होता.